Deontais Uisce Aonair
I gcás nach féidir le teaghlaigh ceangal le príomhlíonra, tá deontais ar fáil chun soláthar uisce óil atá inólta, glan agus sábháilte a éascú.
Tá deontais ar fáil do sholáthairtí uisce príobháideacha aonair agus cinntear leibhéal an deontais de réir an chineáil oibre feabhsúcháin atá ar siúl agus ní rachaidh sé thar na méideanna seo a leanas:
(a) (i) 85% de na costais cheadaithe le haghaidh oibreacha athshlánúcháin, faoi réir uasmhéid €3,000. Mar shampla, caidéal a athsholáthar;
nó
(ii) 85% de na costais cheadaithe le haghaidh soláthar tobair nua, faoi réir uasmhéid €5,000 (i gcás ina n-aontaíonn an t-údarás tithíochta gurb é seo an réiteach is oiriúnaí);
(b) 100% de na costais cheadaithe le haghaidh oibreacha riachtanacha, i dtuairim an údaráis tithíochta, chun cóireáil a dhéanamh ar an uisce chun na caighdeáin cháilíochta uisce a shonraítear sna Rialacháin a chomhlíonadh, faoi réir deontais uasta €1,000. Samplaí de chóireálacha dá leithéid is ea scagachán nó cóireáil Ultraivialait.
Tábhachtach: Ciallaíonn soláthar uisce príobháideach aonair soláthar uisce a fhreastalaíonn ar theach amháin.
Incháilitheacht
- Ní mór an teach a bheith tógtha go hiomlán le breis agus seacht mbliana
- Ní féidir deontas soláthair uisce a bheith íoctha laistigh de na seacht mbliana seo caite
- Ní mór an teach lena mbaineann a bheith mar ghnátháit chónaithe an iarratasóra
- Ní féidir an teach a bheith nasctha le soláthar uisce poiblí ná le soláthar grúpscéime uisce
- Ní féidir deontas a íoc má tá soláthar uisce poiblí nó grúpscéim ag freastal nó ar tí freastal ar an gceantar ina bhfuil an teach suite
Oibreacha cáilitheacha
- Tobar nua a dhruileáil nó a choimisiúnú
- Tobar atá ann cheana a athchóiriú (a dhoimhniú nó a athlíneáil)
- Soláthar uisce ó fhoinse uisce dromchla a sholáthar nó a uasghrádú
- Scagairí a sholáthar i gcás nach gcomhlíonann an soláthar uisce caighdeán cáilíochta uisce óil an AE
- Teach caidéil a thógáil nó a fheabhsú, oibreacha leictreacha agus aon oibreacha coimhdeacha is gá chun an soláthar uisce a fheabhsú
Coinníollacha
- Ní mór costas na n-oibreacha ceadaithe a bheith os cionn €750.00
- Ní mór do chonraitheoirí inniúla na hoibreacha a dhéanamh agus ní mór dóibh C2 nó Deimhniú Imréitigh Cánach cothrom le dáta a bheith acu
- Ní mór trí luachan a fháil do na hoibreacha ar fad
- Níor íocadh deontas le haghaidh soláthar nó feabhsú an tsoláthair uisce don teach faoin scéim laistigh de na seacht mbliana roimhe sin
- Léigh na Téarmaí agus Coinníollacha chun na sonraí iomlána a fháil.
Tá scéim nua tagtha i bhfeidhm ón 4/6/2020 agus tá sonraí na dtéarmaí agus na gcoinníollacha, lena n-áirítear an fhoirm iarratais (ag deireadh an doiciméid), ar fáil trí chliceáil ar an nasc seo a leanas:
Téarmaí agus Coinníollacha maidir le Deontas Tobair Deireadh Fómhair 2020
Tar éis duit na téarmaí agus coinníollacha a léamh, más mian leat leanúint ar aghaidh le hiarratas a dhéanamh, is féidir leat an fhoirm ag deireadh na dtéarmaí agus coinníollacha a úsáid nó an fhoirm a íoslódáil anseo
Foirm Iarratais um Dheontas Tobair Deireadh Fómhair 2020