Bainistíocht Tráchta agus Páirceáil

Má chreideann tú gur eisíodh fíneáil pháirceála trí dhearmad nó má tá cúinsí maolaitheacha ann, is féidir leat achomharc a chur isteach.

Tá páirceáil Íoc agus Taispeáin i bhfeidhm i mbailte Thuama, an Chlocháin, Bhaile Locha Riach, an Ghoirt agus Bhéal Átha na Sluaighe. Chun freastal ar chónaitheoirí na mbailte seo, is féidir dhá cheadúnas páirceála cónaitheoirí a eisiúint in aghaidh an teaghlaigh, do chónaitheoirí áitribh ar úinéirí feithiclí iad agus a bhfuil a ngnátháit chónaithe suite i Sráid lena mbaineann na Fodhlíthe um Áiteanna Páirceála.

Tá Fodhlíthe Áiteanna Páirceála, Fodhlíthe Carrchlóis, agus Fodhlíthe Tacsaithe glactha ag Comhairle Chontae na Gaillimhe chun trácht agus páirceáil a rialáil agus a bhainistiú in 5 bhaile sa Chontae: Tuaim, Baile Locha Riach, An Clochán (An Cloigeann), Baile Átha an Rí, agus Port Omna (Marina).

Ullmhaítear Pleananna Bainistíochta Tráchta agus é mar aidhm an leas is mó a bhaint as na gréasáin bóithre atá ann cheana. Seo thíos an próiseas: Déanann an Chomhairle moltaí don scéim a dhréachtú agus foilsítear fógra ina dtugtar le fios go mbeidh an scéim ar taispeáint go poiblí ar feadh míosa agus glactar le haighneachtaí ar feadh coicíse eile ó dheireadh na tréimhse taispeána Seoltar moltaí chuig comhaltaí tofa, chuig na Gardaí, agus chuig comhlachtaí áitiúla ábhartha ar mhaithe le tuairimí laistigh den tréimhse chéanna. Cuirtear an scéim deiridh le chéile le hathruithe ón bpróiseas comhairliúcháin á gcur san áireamh inti agus cuirtear faoi bhráid chomhaltaí na Comhairle mar eolas dóibh Foilsítear fógra ina dtugtar le fios go gcuirfear an scéim i bhfeidhm ar lá ar leith agus go mbeidh cóipeanna den scéim ar fáil ag áiteanna ar leith mar eolas don phobal.