Cad is tacaíocht tithíochta sóisialta atá ann?
Is éard atá i gceist le tacaíocht tithíochta sóisialta ná tithíocht a sholáthraíonn údarás áitiúil nó Comhlacht Ceadaithe Tithíochta do dhaoine a mheastar nach bhfuil in ann íoc as tithíocht lena gcuid acmhainní féin.
An bhfuil mé incháilithe le haghaidh tacaíocht tithíochta sóisialta?
Le bheith incháilithe le haghaidh tithíocht sóisialta i gContae na Gaillimhe, ní mór d’iarratasóirí na coinníollacha seo a leanas a chomhlíonadh:
- Riachtanas tithíochta: Ní mór nach bhfuil áit chónaithe ar fáil dóibh óna n-acmhainní féin.
- Nasc áitiúil: Ní mór dóibh cónaí a bheith orthu i gContae na Gaillimhe nó nasc a bheith acu leis an gcontae.
- Cónaitheacht dlíthiúil: Ní mór ceart dlíthiúil a bheith acu cónaí in Éirinn san fhadtréimhse.
- Aois: Ní mór dóibh a bheith 18 mbliana d’aois nó níos sine.
- Teorainneacha Ioncaim: Ní cheadaítear glanioncam an teaghlaigh sna 12 mhí roimh d’iarratas a bheith níos mó ná an tairseach thíos:
- Iarratasóir Aonair: Uasmhéid de €35,000 le 5% sa bhreis in aghaidh an duine fásta (uasmhéid de 10%) agus 2.5% in aghaidh an linbh.
Cad atá i gceist leis an bpróiseas iarratais?
- Comhlánaigh an fhoirm seo le do thoil:
- Seol an fhoirm chomhlánaithe trí ríomhphost nó sa phost, ag baint úsáid as na sonraí teagmhála thíos.
- Déantar iarratais a phróiseáil ón dáta a fhaightear an fhaisnéis ar fad atá ag teastáil.
- Gheobhaidh iarratasóirí cinneadh i scríbhinn laistigh de 12 sheachtain, ach d’fhéadfadh an cinneadh níos mó ama a thógáil má tá gá le tuilleadh eolais.
- Mura gcuirtear aon fhaisnéise bhreise a iarrtar a chur isteach laistigh de thréimhse ama ar leith, dúnfar d’iarratas.
- Má cheadaítear a n-iarratas, cuirfear iarratasóirí ar liosta feithimh tithíochta Chomhairle Chontae na Gaillimhe agus beidh siad incháilithe chun iarratas a dhéanamh ar an scéim íocaíochta cúnaimh tithíochta (ÍCT).- Baile - Íocaíochtaí Cúnaimh Tithíochta
Tús Áite do Dhaoine de bharr Cúiseanna Leighis/Míchumais
Tá an fhoirm seo d’aon duine a bhfuil iarratas á dhéanamh acu ar thithíocht shóisialta nó ar aistriú tithíochta sóisialta mar gheall ar mhíchumas nó ar chúiseanna leighis. Úsáidfear an t-eolas a thabharfar chun measúnú a dhéanamh ar an gá le tús áite a thabhairt d’iarratas.
Cad atá i gceist leis an bpróiseas um leithdháileadh tithíochta?
Déanfar réadmhaoin a leithdháileadh de réir scéim leithdháilte na Comhairle:
Coinnigh d’iarratas cothrom le dáta:
Ní mór d’iarratasóirí athruithe ar a gcúinsí a thuairisciú, amhail:
- Athrú ar sheoladh/sonraí teagmhála
- Athrú ar mhéid an teaghlaigh
- Athrú ar ioncam an teaghlaigh
Mura gcoinnítear do shonraí cothrom le dáta, d’fhéadfaí cur isteach ar d’incháilitheacht.
