Scéim Cóiríochta Cíosa (SCC)

Is scéim náisiúnta í an Scéim Cóiríochta Cíosa (SCC) do dhaoine a bhfuil forlíonadh cíosa ar feadh 18 mí nó níos mó á fháil acu agus a bhfuil tithíocht fhadtéarmach uathu. Is rogha mhalartach é seachas réadmhaoin atá faoi úinéireacht na Comhairle nó ar Léas Fadtéarmach a sholáthar chun freastal ar riachtanais tithíochta.

Téann an Chomhairle isteach i socrú conartha 3 bhealach le tiarna talún agus tionónta chun infhaighteacht mheántéarmach agus fhadtéarmach cóiríochta príobháidí ar cíos a aimsiú don SCC. Íocfaidh Comhairle Chontae na Gaillimhe cíos na réadmhaoine go díreach leis an úinéir.

Ní dhéanann an tionónta aon ranníocaíocht chíosa leis an úinéir/tiarna talún ach ina ionad sin íocann siad ranníocaíocht chíosa go díreach leis an gComhairle a ríomhtar faoin scéim seo a leanas de chuid de Comhairle

do thionóntaí na Comhairle.

Iarratasóirí/ Tionóntaí

• Ní mór forlíonadh cíosa a bheith á fháil ag an iarratasóir faoin Scéim um Liúntas Leasa Forlíontach ar feadh 18 mí ar a laghad.
• Ní mór riachtanas fadtéarmach tithíochta a bheith ag an iarratasóir, de réir mheasúnú an údaráis áitiúil.
• Ní mór don iarratasóir an ceart chun cónaí go buan sa stát a bheith acu.
• Íocann na tionóntaí cíos difreálach seachtainiúil le Comhairle Chontae na Gaillimhe
• Íocann an Chomhairle an cíos iomlán leis an tiarna talún thar ceann an tionónta.
• Tá do Thiarna Talún freagrach as cothabháil na réadmhaoine agus a trealamh a dheisiú.
• Má bhíonn aon easaontas tionóntachta ann, téigh i dteagmháil leis an mBord um Thionóntachtaí Cónaithe nó cuir glaoch ar 0818 30 30 37 nó 01 702 8100.
• Tá an méid cíosa a íocann an tionónta bunaithe ar ioncam a dteaghlaigh. Úsáidtear scéim cíosanna difreálacha chun méid an chíosa a ríomh.  Ciallaíonn sé sin go bhfuil méid an chíosa bunaithe ar do chumas íoc as.  Cuirfear ioncam bhaill eile de do theaghlach leis an ríomh cíosa agus d’fhéadfadh asbhaintí a bheith i gceist d’aon leanaí i do theaghlach.  Tá a scéim cíosa féin ag gach Údarás Áitiúil. Ní mór duit Comhairle Chontae na Gaillimhe a chur ar an eolas má athraíonn d’ioncam nó ioncam aon duine i do theaghlach
• Meastar gur tairiscint réasúnta í tairiscint chóiríochta má tá an chóiríocht atá beartaithe oiriúnach do riachtanais tithíochta an iarratasóra agus sa cheantar a luaigh siad go sonrach. Má thairgtear cóiríocht duit faoin scéim SCC, is féidir leat diúltú di.  Má dhiúltaíonn tú do dhá thairiscint tithíochta sóisialta laistigh de thréimhse dhá mhí dhéag, cuirfear d’iarratas tithíochta ar fionraí ar feadh tréimhse 12 mhí. Cuirfear an tOifigeach Leasa Pobail ar an eolas agus d’fhéadfaidís d’fhorlíonadh cíosa a chur ar fionraí. Ní bheidh tú incháilithe le haghaidh aon tairiscint cóiríochta eile ar feadh tréimhse bliana ar a laghad.
• Níl áis aistrithe ag Comhairle Chontae na Gaillimhe le haghaidh bogadh idir Ceantair Údarás Áitiúil. Mar sin féin, más gá duit bogadh go Gaillimh, ní mór duit foirm iarratais tithíochta a chur isteach le haghaidh measúnaithe mar aon le doiciméid tacaíochta iomlána ina leagtar amach bunús an riachtanais atá agat le cóiríocht sa Chontae.
• Rialaíonn an tAcht um Thionóntachtaí Cónaithe, 2004, an conradh.

Tiarnaí Talún

Faoin scéim, déanann Údaráis Áitiúla comhaontú le tiarnaí talún chun tithíocht a sholáthar do dhaoine a dteastaíonn tithíocht fhadtéarmach uathu.  Íocann an tÚdarás Áitiúil an cíos go díreach leis an tiarna talún.  Íocann tionóntaí a gcíos leis an Údarás Áitiúil. Íocfar cíos ag nó roimh thús gach míosa go díreach isteach i do chuntas bainc, rud a thugann ráthaíocht do d’ioncam cíosa.

Rialaíonn an tAcht um Thionóntachtaí Cónaithe, 2004, an conradh.

Beidh socrú tionóntachta ar thionóntacht i bhfeidhm chun freastal ar riachtanais chóiríochta tionónta i.e. nuair a fhágann an tionónta tagann deireadh leis an gconradh. Fanann sé sin i bhfeidhm ar feadh ré na tionóntachta seo agus tagann deireadh leis má bhogann an tionónta sin amach.

Le linn an chonartha, bíonn an tiarna talún fós freagrach as nithe amhail:

• Árachas
• Gnáthchothabháil / Deisiú agus Athsholáthar Trealaimh
• Ag déileáil le sáruithe ar oibleagáidí an tionónta
• Íoc as táillí seirbhíse na cuideachta bainistíochta (más ann) agus táillí eile amhail Áit Chónaithe Phríobháideach Neamhphríomha, Muirear Teaghlaigh agus Cáin Mhaoine Áitiúil.
• Ní mór foirceannadh ar an tionóntacht ag an tiarna talún a dhéanamh de réir na nósanna imeachta atá leagtha amach san Acht um Thionóntachtaí Cónaithe, 2004. Ní mór fógra réasúnach a thabhairt.
• Má bhíonn díospóid tionóntachta ar bith, ba cheart duit teagmháil a dhéanamh leis an mBord um Thionóntachtaí Cónaithe
• Ní mór do thiarnaí talún a bheith cáin-chomhlíontach agus Deimhniú Imréitigh Cánach cothrom le dáta a sholáthar
  • Teastaíonn Deimhniú Imréitigh Cánach ó thiarnaí talún neamhchónaithe ach tá siad faoi dhliteanas asbhaint chánach 20% a dhéantar go míosúil freisin. Féadfaidh an Tiarna Talún creidmheasanna cánach a éileamh ar an asbhaint seo ó na Coimisinéirí Ioncaim.
  • Deimhniú Imréitigh Cánach
• Deimhniú ar íocaíocht chothrom le dáta ar Áit Chónaithe Phríobháideach Neamhphríomha, Muirear Teaghlaigh agus Cáin Mhaoine Áitiúil
• Ní do thiarnaí talún Teastas Rátála Fuinnimh Foirgnimh (RFF) a sholáthar
  • Teastas Rátála Fuinnimh Foirgnimh (RFF)
• Ní mór do thiarnaí talún tionóntachtaí a chlárú leis an mBord um Thionóntachtaí Cónaithe
• Rialaíonn an tAcht um Thionóntachtaí Cónaithe 2004 tionóntachtaí
• Ní mór do réadmhaoine atá ar cíos na caighdeáin íosta a chomhlíonadh mar atá leagtha amach sna Rialacháin Tithíochta (Caighdeáin do Thithe ar Cíos) 2008 (pdf). Cuireadh sraith rialachán eile, na Rialacháin Tithíochta (Caighdeáin do Thithe ar Cíos) (Leasú) 2009 (pdf) i bhfeidhm ar an 1 Nollaig 2009.

Sonraítear sa reachtaíocht seo ceanglais maidir le raon leathan ábhar a thagann chun cinn i gcóiríocht ar cíos amhail deisiú struchtúrach, áiseanna sláintíochta, téamh, aeráil, solas agus sábháilteacht an tsoláthair gháis agus leictreachais. Téigh chuig www.environ.ie le haghaidh tuilleadh eolais.

Tá tuilleadh eolais ar fáil ar shuíomh gréasáin na Roinne Comhshaoil, Pobail agus Rialtais Áitiúil, lena n-áirítear bileog mhínithe do thiarnaí talún