Ráiteas maidir le Caighdeáin Seirbhíse

Leagtar amach sa ráiteas seo na caighdeáin ar féidir leat a bheith ag súil leo uainn bunaithe ar ár gCairt Custaiméirí. Tá ár gCairt Custaiméirí ar taispeáint ag ár gcuntair seirbhíse poiblí agus ar líne i gComhairle Chontae na Gaillimhe.

Is é an sprioc atá againn ná cultúr sármhaitheasa a chothú i seirbhís do chustaiméirí. Úsáidfimid ár n-acmhainní chun ardchaighdeáin a sholáthar agus a chothabháil go comhsheasmhach. Mar sin féin, má theipeann orainn ó am go ham, cuirfimid ar an eolas thú agus míneoimid na cúiseanna.

I láthair go pearsanta

Má thugann tú cuairt ar cheann dár n-oifigí, déanfaimid an méid seo a leanas:

• Timpeallacht ghlan agus shábháilte a sholáthar.
• Cinntiú go bhfuil comharthaí poiblí i nGaeilge agus i mBéarla araon.
• Bualadh leat go tráthúil má tá coinne déanta agat.
• Do phríobháideacht a urramú agus áiseanna cruinnithe príobháideacha a sholáthar más gá.
• Idirghníomhú leat ar bhealach béasach, cúirtéiseach agus cothrom, ina dtabharfar aitheantas do rogha roinnt custaiméirí seirbhís i nGaeilge a fháil agus glacfar go cruinn le sonraí aon chustaiméara i nGaeilge de réir mar is gá.
• Aghaidh a thabhairt ar d’fhiosrúchán agus faisnéis ábhartha a chur ar fáil chomh tapa agus is féidir.
• Úsáid éifeachtach a bhaint as ár n-acmhainní foirne chun amanna scuaine le haghaidh seirbhísí a íoslaghdú. Mura féidir scuainí a sheachaint, cuirfimid ar an eolas thú agus míneoimid na cúiseanna.
• Rochtain a éascú do dhaoine faoi mhíchumas agus a bhfuil riachtanais bhreise acu.
• Meas a léiriú ar éagsúlacht ár gcustaiméirí agus iarracht sholúbtha a dhéanamh chun freastal ar riachtanais shonracha a eascraíonn as éagsúlacht.
• Gach iarracht a dhéanamh freagairt do shaincheisteanna éagsúlachta teanga le haistriúchán de réir mar is gá, lena n-áirítear Teanga Chomharthaíochta na hÉireann.
• A chinntiú go ndéantar cultúr agus atmaisféar ár dtimpeallachtaí seirbhíse a bhainistiú agus a ullmhú chun fáilte a chur roimh éagsúlacht.

Seirbhís Cuntair i nGaeilge

Cuirimid seirbhís cuntair i nGaeilge ar fáil ag gach cuntar poiblí ag Áras an Chontae agus Centrepoint:

• Má tá cainteoir Gaeilge ar fáil (atá in ann an tseirbhís iarrtha a sholáthar i nGaeilge), cuirfear seirbhís Gaeilge ar fáil.
• Mura bhfuil cainteoir Gaeilge ar fáil, míneoidh an ball foirne an scéal go cúirtéiseach agus cuirfidh sé/sí in iúl cathain a bheidh cainteoir ar fáil más féidir laistigh de thréimhse réasúnta ama.
• Roghanna eile don chustaiméir:
  • Am sonrach a shocrú nuair a bheidh cainteoir Gaeilge i láthair.
  • Leanúint leis an gcomhrá i mBéarla (ní thairgfear é seo ach tar éis na roghanna eile a thairiscint).
• A chinntiú go leanfar aon chomhfhreagras ina dhiaidh sin i nGaeilge má léiríonn tú gurbh fhearr leat Gaeilge.

I Scríbhinn

Nuair a scríobhaimid chuig custaiméirí, nuair a chuirimid ríomhphost, nó nuair a fhreagraímid comhfhreagras, déanfaimid an méid seo a leanas:

• Úsáid a bhaint as teanga shoiléir agus shimplí agus téarmaíocht theicniúil a laghdú.
• Gach comhfhreagras a admháil laistigh de 5 lá oibre agus iarracht a dhéanamh freagra a thabhairt laistigh de 20 lá oibre nó níos lú.
• Ainm, uimhir theagmhála, ríomhphost agus uimhir thagartha an chomhaid a chur san áireamh.
• Ríomhphost ‘as láthair’ a úsáid nuair atá ball foirne as láthair níos mó ná 3 lá oibre.
• A chinntiú gurb é comhfhreagras scríofa an modh is oiriúnaí d’éagsúlacht ár gcustaiméirí.

Ar an Teileafón

Má chuireann tú glaoch orainn, déanfaimid:

• A bheith ar fáil ó 9:00am go 5:00pm (Luan go hAoine).
• Glaonna a fhreagairt go pras agus go cúirtéiseach.
• Glaoch ar ais a chur ort mura féidir linn déileáil le do cheist láithreach.
• A bheith cabhrach agus soiléir agus tú a threorú chuig an duine cuí.
• Uimhir theagmhála a sholáthar más gá duit glaoch ar ais.
• Tú a chur ar aghaidh chuig ball foirne le Gaeilge.
• Gach iarracht a dhéanamh glaoch ar ais laistigh de 24 uair an chloig.
• Teachtaireachtaí gutháin a nuashonrú chun tú a chur ar an eolas faoi éagmais foirne.
• Aitheangaireacht a chur ar fáil de réir mar is gá.

Trí Fhoirm Iarratais

Má dhéanann tú iarratas ar ár seirbhísí, déanfaimid:

• Míniú soiléir ar na riachtanais chun seirbhís a fháil.
• Foirm iarratais atá éasca le fáil agus treoracha cruinne a sholáthar.
• Gan ach an fhaisnéis riachtanach a iarraidh.
• Sonraí pearsanta a úsáid ach amháin don chuspóir ar iarradh iad.
• D’iarratas a admháil agus a phróiseáil laistigh de théarmaí comhaontaithe.
• Scríobh chugat le cinneadh ar d’iarratas nó ar d’achomharc agus míniú a thabhairt má dhiúltaítear dó.
• Freastal ar riachtanais éagsúlachta i bpróisis iarratais mar is cuí.

Ar Líne

Má thugann tú cuairt ar ár suíomh gréasáin, déanfaimid:

• Eolas a chur ar fáil faoi ár seirbhísí agus conas tuilleadh a fháil.
• Tuarascálacha Bliantúla, Pleananna Móra agus Buiséid a fhoilsiú.
• Íocaíochtaí ar líne a chumasú don oiread seirbhísí agus is féidir.
• Foirm iarratais uile a chur ar fáil.
• Formáidí inrochtana malartacha (m.sh. Cló Mór) ar fáil ar iarratas.
• Tráchtaireacht úsáideora a éascú agus an suíomh a nuashonrú go tráthúil.
• Comhlíonadh na gceanglas inrochtaineachta faoin Treoir Eorpach maidir le hInrochtaineacht Ghréasáin a chinntiú.

As Gaeilge

Más mian leat ár seirbhísí a úsáid trí Ghaeilge, déanfaimid:

• Bróisiúir, bileoga eolais, foirmeacha agus doiciméid bheartais a chur ar fáil i nGaeilge de réir na Scéime Teanga agus na reachtaíochta.
• Freagra a thabhairt i nGaeilge ar aon chomhfhreagras a fhaightear i nGaeilge.
• Seirbhís teileafóin Ghaeilge a bhunú a mhéid is féidir.
• Tú a chur ar an eolas faoi na seirbhísí Gaeilge atá ar fáil ag gach cuntar poiblí.