CLÁR 2026
Tá CLÁR 2026, ar fiú €12m é, seolta ag an Aire Forbartha Tuaithe agus Pobail agus Gaeltachta, Dara Calleary TD. Is maoiniú spriocdhírithe é CLÁR le haghaidh tionscadail bhonneagair bheaga i gceantair thuaithe ina bhfuil bánú ag tarlú. Ní mór do na tionscadail a bheith i limistéar CLÁR agus ní mór tograí a bheith bunaithe ar thosaíochtaí atá sainaitheanta go háitiúil.
Is maoiniú spriocdhírithe é CLÁR le haghaidh tionscadail bonneagair bheaga i gceantair thuaithe ina bhfuil bánú ag tarlú - ní mór do na tionscadail a bheith i gceantar CLÁR agus ní mór tograí a bheith bunaithe ar thosaíochtaí atá sainaitheanta go háitiúil. Is é 65,000 é an Deontas Uasta, a chlúdódh 90% de na Costais Incháilithe.
Cuirfear clár 2026 i gcrích trí úsáid a bhaint as na 3 Bheart ar leith seo a leanas:
- Beart 1: Áiseanna agus Saoráidí Pobail a Fhorbairt;
- Beart 2: Soghluaisteacht, Cúram Ailse, an Chéad Fhreagróir Pobail agus Iompar Béilí ar Rothaí
- Beart 3 – 'Ár nOileáin Bheo'
Tacóidh Beart 1 le raon éagsúil tionscadal caipitil ar choinníoll go gcuireann siad le feabhas na Saoráidí Áineasa Pobail Lasmuigh atá ann cheana féin agus/nó forbairt Saoráidí Áineasa Pobail inrochtana, nua. Tugann an liosta thíos tuiscint dúinn ar na cineálacha tionscadail a bhféadfar tacú leo, ach ní liosta uileghabhálach é:
- Oibreacha athchóirithe beaga ar áiseanna pobail atá oscailte don phobal i gcoitinne amhail ionaid phobail/ionaid spóirt/clubthithe grúpaí spóirt/ionaid óige/botháin na bhfear etc. Áirítear leis seo oibreacha seachtracha amhail feabhsuithe páirceála agus inrochtaineachta
- Limistéir ilúsáide cluichí (LICanna)/áiseanna AstroTurf lena n-áirítear uasghráduithe (féach an bosca eolais maidir le dromchlaí AstroTurf thíos)
- Clóis súgartha/páirceanna clárscátála/pumpraonta/raonta rothar/spásanna do dhéagóirí.
- Rianta siúil/reatha/lúthchleasaíochta
- Cúirteanna liathróide láimhe/cúirteanna leadóige/cúirteanna cispheile/páirceanna cruicéid/limistéir bhabhlála lasmuigh
- Ionaid aclaíochta phobail/pictiúrlanna pobail
- Gairdíní céadfacha/Gairdíní pobail/ cuibhrinn phobail/ plandáil bhithéagsúlachta
- Rochtain ar shuímh oidhreachta áitiúla uathúla / limistéir áilleachta nádúrtha
- Leithreas lasmuigh agus seomraí feistis feabhsaithe
- Páirceáil carranna
- Bearta sábháilteachta tráchta dírithe ar an bpobal
- Rochtain ar pháirceanna imeartha a fheabhsú e.g. seastáin ag páirceanna imeartha a fheabhsú/a uasghrádú agus béim ar leith á cur ar rochtain a fheabhsú do dhaoine le gach saghas cumais agus aoiseanna
- Leithris/cithfholcadáin in áiseanna pobail ach ní i seomraí feistis ná i gcithfholcadáin foirne spóirt.
- Gineadóirí Éigeandála. Caithfidh siad seo a bheith soghluaiste le go bhféadfaidh an pobal iad a úsáid go comhroinnte. Ní mór deimhniú a bheith ann go bhfuil lasca athraitheacha in áit sna háiseanna a mbainfidh úsáid as an ngineadóir agus gur féidir costas suiteáil na lasc seo sna háiseanna seo a chur san áireamh mar chuid den iarratas ar thionscadal an ghineadóra
- Gníomhartha chun truailliú ó sholas (talún agus muirí) a réiteach trí straitéisí soilsithe athchóiritheacha chun spéartha dorcha na hÉireann a chosaint agus/nó a athbhunú
- Gabhdán le Painéil Ghréine
Le haghaidh oibreacha forbartha nó feabhsúcháin atá beartaithe ar pháirceanna nó ar dhromchlaí AstroTurf
Ba mhaith linn d’aird a tharraingt ar rialacháin an AE a bhaineann le díol micreacháithníní polaiméire sintéisí áirithe a úsáidtear go minic le haghaidh inlíonadh gráinneach lena n-úsáid ar dhromchlaí spóirt sintéiseacha (AstroTurf). Tá cosc le teacht i bhfeidhm in 2031 a chuirfidh teorainn leis na hábhair a úsáidtear chun dromchlaí AstroTurf a athlíonadh. I gcás iarratasóirí atá ag smaoineamh ar iarratas a chur isteach faoi CLÁR 2026 le haghaidh aon chineál dromchla AstroTurf a fhorbairt, nó oibreacha air, ba chóir dóibh na rialacháin seo a phlé ar an gcéad dul síos lena gconraitheoir nó lena soláthraí dromchlaí chun a chinntiú go bhfuil a bhforbairt ag cloí go hiomlán leis an reachtaíocht ábhartha agus go bhfuil sí réidh don todhchaí chun an luach is fearr ar airgead agus fad saoil an dromchla a chinntiú d’úsáideoirí
Tabhair faoi deara: Ní mór iarratais do Bhearta 2 agus 3 a dhéanamh go díreach chuig an Roinn Forbartha Tuaithe agus Pobail. Féach gov.ie - Maoiniú-CLÁR le haghaidh Tionscadail Thuaithe ar Scála Beag (www.gov.ie) le haghaidh tuilleadh eolais.
Ní mór go mbeadh aon saoráid a mhaoinítear ar fáil do bhaill den phobal gan riachtanas a bheith ina mball de chlub, cláraithe i scoil etc. Ní mór go mbeadh saoráidí ar thailte scoile go háirithe oscailte don phobal lasmuigh d'uaireanta scoile e.g., um thráthnóna, ag an deireadh seachtaine, agus laethanta saoire scoile.
