Cruinnithe Chomhairle Chontae na Gaillimhe
Reáchtáiltear cruinnithe iomlánacha na comhairle ar an gceathrú Luan de gach mí, ach amháin nuair is lá saoire poiblí an lá sin. Níl aon chruinniú iomlánach ag Comhairle Chontae na Gaillimhe i mí Lúnasa. Ceadaítear sceideal cruinnithe iomlánacha don bhliain atá le teacht ag gach cruinniú bliantúil.
Seo sceideal na gcruinnithe atá le teacht do théarma reatha na Comhairle:
- an 23 Meitheamh 2025
- an 21 Iúil 2025
- mí Lúnasa 2025 - gan aon chruinniú de réir na mBuanorduithe
- an 22 Meán Fómhair 2025
- an 20 Deireadh Fómhair 2025
- an 24 Samhain 2025
- an 15 Nollaig 2025
- an 26 Eanáir 2026
- an 23 Feabhra 2026
- an 23 Márta 2026
- an 27 Aibreán 2026
- an 25 Bealtaine 2026
Tosaíonn cruinnithe ag 11:00 a.m. nó ag am eile a shocróidh an chomhairle nó an Cathaoirleach.
Buanorduithe
Tá na buanorduithe lena rialaítear conas a reáchtáiltear na cruinnithe ar fáil sa chuid doiciméad gaolmhar ar an leathanach seo.
Freastal an phobal ar chruinnithe
Is féidir le baill den phobal freastal ar chruinnithe na comhairle. Chun freastal orthu, ní mór duit clárú trí ríomhphost a sheoladh secretary@galwaycoco.ie.
Tá an prótacal ar fáil sa chuid doiciméid ghaolmhara den leathanach seo.
Cruinniú bliantúil
Bíonn Cruinniú Bliantúil Chomhairle Chontae na Gaillimhe ar siúl i mí na Bealtaine nó i mí an Mheithimh gach bliain. Is ag an gcruinniú sin a thoghtar Cathaoirleach agus Leas-Chathaoirleach Chontae na Gaillimhe agus comhaontaítear sceideal na gcruinnithe don 12 mhí ina dhiaidh sin.
Cruinniú buiséid
De ghnáth, bíonn cruinniú buiséid Chomhairle Chontae na Gaillimhe ar siúl i mí Dheireadh Fómhair gach bliain. Is feidhm fhorchoimeádta de chuid na gcomhaltaí tofa é buiséad airgeadais na bliana dár gcionn a chomhaontú.
Cruinnithe speisialta
Reáchtáiltear cruinniú speisialta de Chomhairle Chontae na Gaillimhe má bhíonn ábhar práinneach nó tábhachtach le plé. Tionólfar an cruinniú chun aghaidh a thabhairt ar shaincheisteanna sonracha nach féidir fanacht go dtí an chéad chruinniú iomlánach eile.
Cláir Oibre agus Miontuairiscí
Is féidir cláir oibre agus miontuairiscí chruinnithe na Comhairle a fháil ar leathanach miontuairiscí chruinnithe na comhairle.