Tá iarratais le haghaidh an Chiste Aitheantais Pobail dúnta anois.
Bhunaigh an Roinn Forbartha Tuaithe agus Pobail an Ciste Aitheantais Pobail in 2023, chun na hiarrachtaí suntasacha a bhí déanta ag pobail áitiúla maidir le fáilte a chur roimh dhaoine a bhí ag teacht go hÉirinn agus tacú leo a aithint.
Ceapadh an tionscnamh seo chun bonneagar agus conláistí pobail a fheabhsú, chun leasa gach áitritheora agus ag an am céanna aitheantas a thabhairt don fhlaithiúlacht a léiríodh i gceantair a chuir lóistín ar fáil do shuim mhór daoine nua, go háirithe ón Úcráin agus ó thíortha eile.
In 2024, leanadh leis an scéim le leithdháileadh maoinithe de €1,238,230 le haghaidh tionscnamh ar fud Chontae na Gaillimhe. Dírítear an maoiniú go straitéiseach i dtreo pobail a bhfuil an líon is mó áitritheoirí nua tar éis teacht chucu, áiteanna a bhfuil an t-éileamh ar shaoráidí feabhsaithe níos follasaí.