Cad is Deontas Stitch in Time ann?
Tá scéim deontas á reáchtáil ag Comhairle Chontae na Gaillimhe: DEONTAS STITCH IN TIME Chiste na hOidhreachta Ailtireachta atá ar fáil le haghaidh Miondeisiúchán & Tuarascálacha ar Chomhairle Caomhantais chun cabhrú le húinéirí costais na miondeisiúchán nó na n-oibreacha cothabhála a dhéantar ar Struchtúir atá Faoi Chosaint, ar Struchtúir atá beartaithe le bheith Faoi Chosaint nó ar fhoirgnimh stairiúla laistigh de Limistéir Chaomhantais Ailtireachta a fheabhsaíonn an áit nó an tsráid a íoc. Féadfar breithniú a dhéanamh ar fhoirgnimh stairiúla eile ach tabharfar tús áite do na foirgnimh sin atá faoi chosaint reachtúil. Chun a chinntiú go dtugtar comhairle chuí d’úinéirí maidir leis na hoibreacha is gá a dhéanamh ar a maoin, is féidir leas a bhaint as an scéim chun tuarascálacha/suirbhéanna reachta foirgnimh, ráitis mhodha nó sonraíochtaí a fháil ó ghairmithe caomhantais chun oibreacha a chloíonn leis an dea-chleachtas caomhantais a shainaithint agus tosaíocht a thabhairt dóibh.
Cé is féidir iarratas a dhéanamh?
Úinéirí nó áititheoirí Struchtúr faoi Chosaint. Féach an Bhileog Eolais
chun teacht ar na critéir incháilitheachta go léir.
Struchtúir Incháilithe
- Struchtúr ar bith atá Faoi Chosaint (struchtúr cónaithe nó tráchtála)
- Struchtúir Stairiúla laistigh de Limistéar Caomhantais Ailtireachta
- Foirgnimh Dhúchasacha
Oibreacha Incháilithe
- Tá an scéim dírithe ar oibreacha mionscála nuair a bhíonn na costais faoi bhun €5,000. Tá scéimeanna deontais chaomhantais eile ann le haghaidh deisiúcháin mheánmhéide nó deisiúcháin mhórscála
Chun iarratas a dhéanamh, caithfear na nithe seo a leanas a chur isteach:
- Foirm Iarratais Chomhlánaithe
- Ráiteas Cuimsitheach ar Mhodhanna
- Sonraí faoi chreidiúnú na ngairmeacha caomhantais
- Grianghraif den staid reatha
- Luachan
- Deimhniú Imréitigh Cánach na gConraitheoirí
Má tá cabhair nó eolas eile ag teastáil:
Dean teagmháil le: conservationoffice@galwaycoco.ie
T: 091 509308
Cistí ar Fáil
- Suas le 50% den chostas iomlán, uasmhéid €5,000
Amlíne
- Ní mór na hoibreacha a bheith críochnaithe: Faoi mhí Dheireadh Fómhair 2026
Íoslódáil na Doiciméid Iarratais