Treoir maidir le do Chearta

Is ceart bunúsach faoi Airteagal 8 de Chairt um Chearta Bunúsacha an Aontais í cosaint sonraí. Ciallaíonn sé sin:

• Tá sé de cheart agat do shonraí pearsanta a chosaint.
• Ní mór do shonraí a úsáid go cothrom, chun críocha soiléire, agus nuair a bhíonn cúis dhlíthiúil ann amháin.
• Is féidir leat rochtain a fháil ar do shonraí pearsanta agus iarraidh go ndéanfar iad a cheartú má tá siad mícheart.
• Cinntíonn údarás neamhspleách (an Coimisiún um Chosaint Sonraí) go gcloítear leis na rialacha seo.

Tá Comhairle Chontae na Gaillimhe tiomanta do do shonraí pearsanta a chosaint i gcomhréir leis an Rialachán Ginearálta maidir le Cosaint Sonraí (RGCS) agus maidir leis an Acht um Chosaint Sonraí 2018.

Cathain is féidir le heagraíochtaí do shonraí a úsáid?

Ní mór cúis dhleathach a bheith ag eagraíochtaí, lena n-áirítear Comhairle Chontae na Gaillimhe, chun do shonraí pearsanta a bhailiú nó a úsáid. Is iad na cúiseanna seo:

• Toiliú – Is léir gur aontaigh tú leis.
• Conradh – Tá sé riachtanach chun conradh a chomhlíonadh leat.
• Oibleagáid dhlíthiúil – Ceanglaítear é de réir dlí.
• Leasanna ríthábhachtacha – Tá gá leo chun saol duine a chosaint.
• Tasc poiblí – Tá sé riachtanach le haghaidh tasc a dhéantar ar mhaithe le leas an phobail.
• Leasanna dlisteanacha – Is chun leasa na heagraíochta é, mura ndéanann sé dochar do do chearta.

Do Chearta Aonair

Tá roinnt cearta agat faoin dlí um chosaint sonraí, lena n-áirítear:

• An ceart chun rochtain a fháil ar do shonraí pearsanta
• An ceart chun sonraí míchruinne nó neamhiomlána a cheartú
• An ceart chun agóid a dhéanamh maidir leis an gcaoi a n-úsáidtear do shonraí
• An ceart go scriosfaí do shonraí i gcásanna áirithe
• An ceart chun próiseáil do shonraí a shrianadh
• An ceart chun iniomparthacht sonraí
• An ceart gan a bheith faoi réir cinntí uathoibrithe gan rannpháirtíocht dhaonna

Cad a tharlaíonn má bhíonn Imní ort?

Glacann Comhairle Chontae na Gaillimhe cosaint sonraí dáiríre agus i gcomhréir le ceanglais dhlíthiúla faoi RGCS agus tá Oifigeach Cosanta Sonraí (OCS) tiomnaithe ag an Acht um Chosaint Sonraí 2018. 

Is é ról an Oifigigh Cosanta Sonraí a chinntiú go gcomhlíonann an Chomhairle dlíthe cosanta sonraí, go ndéanann sí monatóireacht ar chleachtais inmheánacha, go mhúsclaíonn sí feasacht, agus go ngníomhaíonn sí mar phointe teagmhála do dhaoine aonair a bhfuil imní orthu faoina sonraí pearsanta.