Aimsitheoir Áite ÍCT

Aimsitheoir Áite Íocaíochta Cúnaimh Tithíochta (ÍCT)

Cuireann Scéim Íocaíochta Cúnaimh Tithíochta (ÍCT) do Dhaoine Gan Dídean (Aimsitheoir Áite) tacaíochtaí airgeadais agus praiticiúla breise ar fáil do thionóntaí agus do thiarnaí talún araon, agus ag an am céanna soláthraítear léi gach sochar a bhaineann leis an scéim náisiúnta Íocaíochta Cúnaimh Tithíochta (ÍCT).

Is cineál tacaíochta tithíochta sóisialta é ÍCT a sholáthraíonn gach údarás áitiúil. Ligeann sé do theaghlaigh fanacht sa scéim fiú má théann siad i mbun fostaíochta lánaimseartha. Téann ÍCT in áit Forlíonadh Cíosa dóibh siúd a bhfuil tithíocht fhadtéarmach uathu agus a cháilíonn do thacaíocht tithíochta sóisialta.

Faoi ÍCT, cuireann údaráis áitiúla cúnamh tithíochta ar fáil do theaghlaigh incháilithe, lena n-áirítear go leor faighteoirí fadtéarmacha Forlíonadh Cíosa.
 
D’fhéadfadh an Aimsitheoir Áite ÍCT:
• Réadmhaoine a aithint agus iad a mheaitseáil le cliaint ón spriocghrúpa
• Socrú a dhéanamh chun an éarlais le haghaidh réadmhaoine a íoc leis an tiarna talún / gníomhaire thar ceann an tionónta
• Socrú a dhéanamh chun cíos mí amháin a íoc roimh ré thar ceann an tionónta
• Socrú a dhéanamh chun an cíos míosúil a íoc roimh ré leis an tiarna talún/gníomhaire gach mí
  
Cén fáth a bhfuil gá le hAimsitheoir Áite ÍCT?
• Géarchéim Thithíochta
• An gá le tacaíochtaí breise a chur ar fáil don spriocghrúpa
• Cúnamh a thabhairt do theaghlaigh i gcóiríocht éigeandála go príomha trí rochtain a sholáthar ar éarlaisí agus ar réamhíocaíochtaí cíosa
  
Conradh:
• Beidh an conradh ina chonradh príobháideach idir an tiarna talún agus an tionónta ÍCT. Is tionónta an tiarna talún é an tionónta ÍCT, seachas tionónta an údaráis áitiúil. Beidh an tionóntacht faoi rialú théarmaí an Achta um Thionóntachtaí Cónaithe, 2004 (arna leasú).
  
Conas is féidir leat cabhair a thabhairt:
• An tiarna talún ionchasach thú ach níl a fhios agat cá háit le tosú?
• An gníomhaire thú le réadmhaoine atá deacair le ligean ar cíos?
• Ar mhaith leat cabhrú le líon na ndaoine gan dídean i gContae na Gaillimhe a mhaolú trí theach a chur ar fáil dóibh siúd atá in am an ghátair?
  
Le heolas ginearálta ar an scéim náisiúnta ÍCT a fháil, téigh chuig: www.hap.ie