Scéim liúntais morgáiste

Cuspóir na Scéime

• Cuidíonn an scéim le tionóntaí agus le ceannaitheoirí áitribh údaráis áitiúil ar mian leo a n-áitribh a thabhairt ar ais don údarás agus áit chónaithe phríobháideach a cheannach nó a thógáil dá n-áitíocht féin.
• Laghdaíonn sí aisíocaíochtaí morgáiste thar na chéad chúig bliana.

Méid an liúntais

• Iomlán: €11,450, le híoc thar thréimhse cúig bliana.
  • Bliain 1: €3,560
  • Bliain 2: €2,800
  • Bliain 3: €2,040
  • Bliain 4: €1,780
  • Bliain 5: €1,270
• Ní féidir leis an liúntas a íoctar in aon bhliain amháin a bheith níos mó ná méid na n-aisíocaíochtaí morgáiste.
• Ní mór don áit chónaithe a bheith mar ghnátháit chónaithe don iarratasóir, i.e. go bhfuil cónaí orthu ann, ar feadh na tréimhse cúig bliana.

An bhfuil mé incháilithe?

• Tionóntaí nó ceannaitheoirí tionónta áitribh údaráis áitiúil, nó tionóntaí a bhfuil tionóntachtaí bliain amháin ar a laghad acu faoin Scéim um Fhóirdheontais Chíosa.
• Ní mór an áit chónaithe atá ann cheana a thabhairt ar ais i riocht oiriúnach agus intionóntuithe, saor ó riaráistí.
• Ní mór an áit chónaithe phríobháideach a sholáthar trí iasacht morgáiste de €38,092 ar a laghad.

Conas is féidir liom iarratas a dhéanamh?

Eiseoidh an t-údarás áitiúil litir intinne chuig iarratasóirí incháilithe, ina léireofar incháilitheacht don liúntas morgáiste faoi réir an áit chónaithe atá ann cheana a thabhairt ar ais agus comhlíonadh théarmaí na scéime. Is chun leasa an iarratasóra atá sé an litir intinne seo a fháil sula ngeallann siad don áit chónaithe phríobháideach.