Cad is Aoisbhá ann?
Tá an eagraíocht Aoisbhá Éireann freagrach as an gClár Aoisbháúil Náisiúnta, atá cleamhnaithe leis an Líonra Domhanda de Chathracha agus de Phobail Aoisbháúla de chuid na hEagraíochta Domhanda Sláinte [WHO].
Oibríonn Aoisbhá Éireann mar ionad seirbhísí comhroinnte rialtais áitiúil arna reáchtáil ag Comhairle Contae na Mí.
Tacaíonn an tseirbhís chomhroinnte le líonra de 31 Clár Aoisbháúil áitiúil atá faoi stiúir na n-údarás áitiúil agus a thacaíonn le roinnt struchtúir agus tionscnaimh straitéiseacha náisiúnta. Chun tuilleadh faisnéis a fháil, tabhair cuairt le do thoil ar https://agefriendlyireland.ie/
Cad é Clár Aoisbháúil Chontae na Gaillimhe?
Tá Clár Aoisbháúil Chontae na Gaillimhe á chomhordú ag Chomhairle Chontae na Gaillimhe agus oibríonn sé chun na seirbhísí agus na saoráidí a d'aithin ár ndaoine scothaosta go bhfuil siad tábhachtach dóibh a fheabhsú, chun cur ar a gcumas saol gníomhach agus sláintiúil a chaitheamh.
Mar chuid den chlár, tá cur chuige ilghníomhaireachta, ilearnála maidir le pleanáil a bhaineann le haois agus soláthar seirbhíse. I gcomhar le heagraíochtaí agus gníomhaireachtaí eile, cuirimid tionscadail agus tionscnaimh i bhfeidhm ar fud Théamaí Aoisbháúla WHO (An Eagraíocht Dhomhanda Sláinte) maidir le Spásanna Allamuigh agus Foirgnimh, Tithíocht, Iompar, Rannpháirtíocht Shóisialta, Rannpháirtíocht Shibhialta, Sláinte Phobail agus Seirbhísí Tacaíochta, Cumarsáid agus Faisnéis.
Má tá ceist ar bith agat maidir le Clár Aoisbháúil na Gaillimhe, déan teagmháil linn ag agefriendly@galwaycoco.ie
Cad é Comhairle Daoine Scothaosta Chontae na Gaillimhe?
Tá ár gComhairle do Dhaoine Scothaosta ina cuid riachtanach den Chlár Aoisbháúil do Ghaillimh, lena n-áirítear ionadaithe ó ghrúpaí daoine scothaosta agus daoine leasmhara ar fud an chontae.
Tugtar cuireadh do bhallraíocht iomlán na Comhairle Daoine Scothaosta chuig an CCB (Comhairle Cinn Bliana) agus chuig ócáidí eile ar nós imeachtaí comhairliúcháin agus faisnéise. Tá Coiste Feidhmeannach ag an gComhairle a thoghtar as measc na ballraíochta agus a thagann le chéile go rialta i gcaitheamh na bliana. Tá sé mar aidhm acu oibriú mar ghuth le haghaidh daoine scothaosta agus tionchar a imirt ar fhorbairt tionscnamh, gníomhaíochtaí, agus clár a chuirtear ar fáil tríd an gClár Aoisbháúil.
Is í Mary Cronin Cathaoirleach reatha Chomhairle Daoine Scothaosta Chontae na Gaillimhe, agus is í Anne Mitchell an Leas-Uachtarán.
Más maith leat féin nó le do ghrúpa a bheith san áireamh ar an liosta seoltaí don Chomhairle Daoine Scothaosta, líon isteach an Fhoirm Chláraithe seo a leanas agus/nó seol ríomhphost chugainn ag agefriendly@galwaycoco.ie
<drupal-media data-entity-type="media" data-entity-uuid="70dfce31-0093-4121-b164-fb1589d89b06"> </drupal-media><drupal-media data-entity-type="media" data-entity-uuid="a9496154-126e-41c3-9c31-391342e6e36f"> </drupal-media>
Cad is Comhaontas Aoisbhá na Gaillimhe ann?
Is comhpháirtíocht ionadaithe ó ghníomhaireachtaí earnála poiblí agus ó eagraíochtaí pobail agus deonacha eile é ár gComhaontas Aoisbhá a aithníonn tionscadail a fhreastalaíonn ar riachtanais daoine scothaosta agus a dhéanann monatóireacht ar chur i bhfeidhm na Straitéise Aoisbháúla.
Is é fís na Straitéise Aoisbháúla 2025-2030 ná “Contae iontach a dhéanamh de Ghaillimh chun dul in aois ann”. Forbraíodh é bunaithe ar theagmháil leathan leis an bpobal, agus pleanáil gníomhaíochta leis an gComhaontas Aoisbhá. Chabhraigh sé seo linn tosaíochtaí agus tionscadail mhaoinithe a aithint thar raon leathan réimsí a imríonn tionchar ar chaighdeán beatha daoine scothaosta, lena n-áirítear iompar, tithíocht, spásanna allamuigh, rannpháirtíocht shóisialta, tacaíochtaí pobail agus seirbhísí sláinte.
Cad é an tEolaire Seirbhísí do Dhaoine Scothaosta?
Tá neart faisnéis úsáideach le fáil san Eolaire Seirbhísí do Dhaoine Scothaosta i gCathair agus Contae na Gaillimhe, ní hamháin do dhaoine scothaosta agus dá dteaghlaigh, ach do chúramóirí agus do sholáthraithe seirbhísí chomh maith. Clúdaítear ina fhormáid sothuigthe faisnéis maidir le roinnt mhaith de na gníomhaíochtaí, seirbhísí agus tacaíochtaí atá ar fáil do dhaoine scothaosta i gCathair na Gaillimhe & sa Chontae.
Cad é an Clár um Thithe Sláintiúla Aoisbháúla?
Tionscnamh is ea an Clár um Thithe Sláintiúla Aoisbháúla chun tacú le daoine cónaí ina mbaile féin le dínit agus neamhspleáchas, chomh fada agus is féidir. Déanfaidh Comhordaitheoir um Thithe Sláintiúla Aoisbháúla measúnú riachtanas ar do bhaile chun a dhéanamh amach cén cineál tacaíochtaí tithíochta, sláinte agus cúraim sláinte a bheadh de dhíth ort agus a thacóidh leat na foirmeacha a chomhlánú chun rochtain a fháil ar na deontais agus seirbhísí ábhartha.nbsp; Ar an mbealach seo, cuireann an Clár tacaíochtaí ar fáil chun nach gá don duine aistriú roimh am a sheachaint go cúram cónaithe fadtéarmach.
Comhordaíonn Comhairle Contae na Mí an Clár mar sheirbhís chomhroinnte do gach údarás áitiúil, agus is féidir teagmháil a dhéanamh leo ar 046 924 8899 nó trí ríomhphost healthyagefriendlyhomes@meathcoco.ie – chun tuilleadh faisnéise a fháil faoin gclár, nó chun tú féin nó daoine aonair lena gcead a atreorú chucu ar líne, tabhair cuairt ar shuíomh gréasáin um Thithe Sláintiúla Aoisbháúla.