Caomhnú Ailtireachta

Is áit, limistéar, grúpa struchtúr nó tírdhreach baile é Limistéar Caomhantais Ailtireachta (LCA) a bhfuil spéis speisialta ailtireachta, stairiúil, seandálaíochta, teicniúil, sóisialta, cultúrtha nó eolaíoch ag baint leis, nó a chuireann le meas ar Struchtúr atá faoi Chosaint. Is meicníocht í a bhfuil sé mar aidhm aici limistéir a bhfuil tábhacht speisialta leo a aithint agus a chosaint agus feasacht ar an tábhacht sin a chur chun cinn. Limistéir Chaomhantais Ailtireachta:

• Lár Bhaile Átha an Rí
• Bóthar Chéibh Bhearna
• Lár Sráidbhaile Dhroichead an Chláirín
• Lár Bhaile an Chlocháin
• Lár Sráidbhaile Chreachmhaoile
• Lár Bhaile an Ghoirt
• Lár Bhaile Ath Cinn
• Lár Bhaile Locha Riach
• Lár Bhaile Órán Mór
• Lár Bhaile Uachtar Ard
• Lár Bhaile Phort Omna
• Lár Bhaile Thuama
• Lár Bhaile Bhéal Átha na Sluaighe
• Ospidéal Naomh Bríd, Béal Átha na Sluaighe

Le haghaidh tuilleadh sonraí faoi ainmniúcháin, féach Appendix 7 Architectural Conservation Area_1_1.pdf

Liostaíonn Taifead na Struchtúr Cosanta gach struchtúr agus foirgneamh faoi chosaint i nGaillimh.

Is féidir leat a sheiceáil an bhfuil do mhaoin ar Appendix 6 Record of Protected Structures.pdf

Féadfaidh úinéirí nó áititheoirí Struchtúir Chosanta ‘dearbhú’ a iarraidh faoi Alt 57 den Acht um Pleanáil agus Forbairt 2000. Is é cuspóir an dearbhaithe seo go soiléireoidh Údaráis Phleanála i scríbhinn, an cineál oibreacha a dhéanfadh nó nach ndéanfadh difear ábhartha do charachtar an struchtúir nó d’aon ghné den struchtúr a chuireann lena spéis speisialta. Is seirbhís í eisiúint dearbhaithe a sholáthraíonn an tÚdarás Pleanála gan aon chostas d’úinéir nó d’áititheoir struchtúir chosanta. Tá dhá sheachtain déag ag an Údarás Pleanála ó dháta a fhaightear iarratas ar Alt 57 chun é a chomhlánú. Foirm Iarratais Alt 57, Comhairle Chontae na Gaillimhe_11.pdf

Tabhair faoi deara:

Faoi Alt 5 den Acht um Pleanáil agus Forbairt 2000 (arna leasú) féadfaidh aon duine, ar íoc na táille forordaithe, dearbhú a iarraidh i scríbhinn ón údarás pleanála maidir le cad is forbairt dhíolmhaithe ann de réir bhrí an Achta in aon chás. Cuirfidh an duine aon fhaisnéis is gá ar fáil don údarás pleanála chun go bhféadfaidh an t-údarás cinneadh a dhéanamh ar an ábhar. Foirm Iarratais ar Fhorbairt Dhíolmhaithe (Alt 5).pdf