Ceisteanna Coitianta

Má chuir tú cáin ar d'fheithicil ar líne agus mura bhfuil do cheadúnas feithicle (diosca mótarchánach) tagtha go fóill, ba chóir duit teagmháil a dhéanamh leis an Roinn Iompair ar dtús:

📞 Teil: 0818 411 412
📧 Ríomhphost: Motortax@transport.gov.ie

Má sheol tú d'iarratas ar mhótarcháin chuig Oifig Mótarchánach na Gaillimhe tríd an bpost agus mura bhfuil do cheadúnas feithicle (diosca mótarchánach) tagtha go fóill, déan teagmháil le:

📞 Teil: 091 509099
📧 Ríomhphost: motortax@galwaycoco.ie

Má dheimhnítear gur próiseáladh agus gur seoladh do cheadúnas feithicle (diosca mótarchánach) ach nár fuair tú é, is féidir iarratas a dhéanamh ar cheann eile ach an Fhoirm RF134 a líonadh 

<drupal-media data-entity-type="media" data-entity-uuid="8d56dc9c-5903-496b-8c3d-571e1521c124"> </drupal-media>

Tabhair faoi deara:

• Ní mór do dhuine den Gharda Síochána an fhoirm a shíniú agus stampa a chur uirthi.
• Ba chur an fhoirm a chur isteach chuig Oifig Mótarchánach na Gaillimhe ansin lena próiseáil.

Má fhaightear an RF134 laistigh de 30 lá oibre ón dáta eisiúna bunaidh, ní bhíonn aon táille i gceist leis an diosca nua.
Beidh táille €6.00 i gceist leis na hiarratais ar dhiosca nua a gheofar tar éis na tréimhse sin.

Chun do mhótarcháin a athnuachan ar líne, beidh Uimhir Aitheantais Phearsanta (UAP) uait. 

Seo thíos treoir maidir le conas an UAP a aimsiú:

• Le haghaidh feithicle athláimhe (a cuireadh cáin uirthi roimhe): Is é do UAP ná na sé dhigit dheireanacha d'uimhir do Dheimhnithe Clárúcháin Feithicle (VRC).

• Le haghaidh feithiclí úrnua nó iompórtáilte (an chéad uair le cáin ar chur uirthi): Is é do UAP ná na sé charachtar dheireanacha d'uimhir fonnaidh d'fheithicle (VIN).
• Is féidir leat do UAP a aimsiú freisin ar d'fhógra ar athnuachan mótarchánach, a sheoltar sa phost nó mar ríomhphost sa mhí ina bhfuil do cháin le híoc.

Má tá do UAP caillte agat, is féidir leat é a aimsiú ar an suíomh gréasáin Mótarchánach.

Má bhíonn deacrachtaí agat do mhótarcháin a athnuachan ar líne, tá tacaíocht ar fáil ó Rannán na Seirbhísí Ríomhaireachta Tiománaithe agus Feithiclí (RSRTF) de chuid na Roinne Iompair. Bainistíonn siad an Comhad Náisiúnta Feithiclí agus Tiománaithe (CNFT) agus oibríonn siad an tseirbhís mótarchánach ar líne.

Sonraí Teagmhála:

Rannán na Seirbhísí Ríomhaireachta Tiománaithe agus Feithiclí
An Roinn Iompair
Sionainn, Co. an Chláir
V14 P298, Éire

📧 Ríomhphost:

• Le haghaidh ceisteanna a bhaineann le mótarcháin ar líne: Motortax@transport.gov.ie
• Le haghaidh athruithe ar úinéireacht feithicle, nuashonrú ar sheoladh nó ceisteanna lena mbaineann: dvcsdchangeofownership@transport.gov.ie

📞 Guthán:

• 0818 411 412 (laistigh d'Éirinn)
• +353 61 365005 (lasmuigh d'Éirinn)

Má theastaíonn aon cheann de na doiciméid athsholáthair seo a leanas, comhlánaigh Foirm RF134. Ní mór an fhoirm a stampáil agus a dhearbhú ag Stáisiún na nGardaí. 

<drupal-media data-entity-type="media" data-entity-uuid="8d56dc9c-5903-496b-8c3d-571e1521c124"> </drupal-media>

Cuir an fhoirm chomhlánaithe mar aon leis an táille chuí isteach sa phost nó go pearsanta chuig an Oifig Mótarchánach, Comhairle Chontae na Gaillimhe, Cnoc na Radharc, Gaillimh. 

• Leabhar / Deimhniú / Turasleabhar Clárúcháin Feithicle: €12
• Diosca Mótarchánach: €6
• Ceadúnas Leantóra: €6
• Uimhirphlátaí Trádála (gluaisrothar): €38
• Uimhirphlátaí Trádála (gach feithicil eile): €86

Tabhair faoi deara: Má cailleadh an doiciméad sa phost, eiseofar ceann eile duit saor in aisce, ar choinníoll go bhfaighfear d'iarratas idir 10 agus 30 lá oibre ón dáta eisiúna. 

Beidh táille le híoc i gcás iarratas a fhaightear lasmuigh den tréimhse sin.

Ní féidir an próiseas sin a dhéanamh ar líne toisc go dteastaíonn fíorú ó Gharda.

Ní féidir do Mhótarcháin a íoc ar an bhfón. Ní mór íocaíochtaí a dhéanamh:

• Ar líne
• Sa phost leis an bhfoirm agus íocaíocht chuí
• Go pearsanta i d'Oifig Mótarchánach áitiúil

Tá línte teileafóin ar fáil le haghaidh ceisteanna amháin, ní le haghaidh íocaíochtaí a phróiseáil.

Roghanna Íocaíochta:

Íocaíochtaí cárta, airgead tirim (seachas iarratas a chuirtear sa phost), seiceanna agus orduithe poist.

🏢 Cathair na Gaillimhe (Áras an Chontae, Cnoc na Radharc)

• Uaireanta Oscailte: Luan go hAoine, 09:00 – 15:30
• Coinní Amháin: 15:30 – 16:00
• Fón: 091 509099

🏢 Béal Átha na Sluaighe (Oifigí Cathartha, H53 A7K7)

• Uaireanta Oscailte: Luan go hAoine, 09:30 – 13:00
• Fón: 091 509075

🏢 An Cheathrú Rua (Oifigí Comhairle Contae, An Cheathrú Rua)

• Uaireanta Oscailte: Luan go hAoine, an chéad seachtain agus an tseachtain dheireanach den mhí amháin
  • Maidin: 09:00 – 13:00
  • Tráthnóna: 14:00 – 15:00
• Fón: 091 509066