Cad is pobal fuinnimh inmharthana ann?
Is é atá i gceist le ‘Pobal Fuinnimh Inmharthana’ (PFI) ná pobal ina n-oibríonn gach duine le chéile chun córas fuinnimh inbhuanaithe a thógáil ar mhaithe lena bpobal. Chun é sin a dhéanamh, bíonn sé mar aidhm acu a bheith tíosach ar fhuinneamh, fuinneamh in-athnuaite a úsáid nuair is féidir agus córais fuinnimh díláraithe a fhorbairt. Is féidir leis na húsáideoirí fuinnimh éagsúla go léir sa phobal a bheith i gceist leis an PFI, lena n-áirítear tithe, clubanna spóirt, ionaid pobail, séipéil agus gnóthaí.
Mar chuid den chlár, oibríonn Comhairle Chontae na Gaillimhe le meantóirí SEAI chun tacú le cur i gcrích Máistirphleananna Fuinnimh (MPF) ar leibhéal an phobail.
Cén fáth ar cheart do phobal a bheith ina Phobal Fuinnimh Inmharthana?
- Coigilteas Airgeadais agus Fuinnimh a bhaint amach
- Feabhas a chur ar fholláine an phobail mar gheall ar an gcompord feabhsaithe a bhíonn mar thoradh ar fhoirgnimh atá níos tíosaí ar fhuinneamh
- Borradh a chur faoi fhostaíocht áitiúil
- Tógáil pobail a chur chun cinn trí leas a bhaint as cur chuige comhpháirtíochta
- Acmhainneacht a fhorbairt agus maoiniú a ghiaráil
- Cur le spriocanna náisiúnta um laghdú fuinnimh
PFInna i gContae na Gaillimhe
Faoi láthair, tá Comhairle Chontae na Gaillimhe ag tacú le 12 PFI tríd an Meabhrán Tuisceana (MT) le SEAI. Go dtí seo, tá €200,000 geallta againn sna pobail fuinnimh inmharthana seo a leanas tríd an MT.
- Baile Átha an Rí
- Béal Átha na Sluaighe
- Clifden Glen
- An Dún Thoir
- Dún Mór
- Líonra Rannpháirtíochta Pobail Chontae na Gaillimhe
- Áth Cinn
- Cill Cholgáin Droichead an Chláirín
- Cinn Mhara
- Baile an Mhuilinn
- An Spidéal
- An Líonán.
