Gach Deireadh Fómhair, reáchtáiltear Seachtain Náisiúnta Sábháilteachta Dóiteáin ar fud oileán na hÉireann i gcomhar le Seirbhís Dóiteáin agus Tarrthála Thuaisceart Éireann.
Spreagann Seachtain Sábháilteachta Dóiteáin daoine le bheith ag smaoineamh ar na rioscaí dóiteáin féideartha ina dtithe agus cuireann sí tús le feachtas fógraíochta náisiúnta sna meáin ar fud an raidió, na teilifíse agus ardán na meán sóisialta a bheidh ar siúl ar feadh an chuid eile den bhliain.
Gach bliain, reáchtálann Seirbhís Dóiteáin agus Tarrthála na Gaillimhe feachtais chun daoine a spreagadh chun a gcuid brathadóirí deataigh a shuiteáil agus a thástáil agus aire a thabhairt dá bpobal i gcoitinne, go háirithe daoine leochaileacha.
Le linn Sheachtain Náisiúnta Sábháilteachta Dóiteáin, cuirfidh Seirbhís Dóiteáin agus Tarrthála na Gaillimhe fógraí agus faisnéis faoi shábháilteacht dóiteáin i nuachtáin, ar an raidió agus ar an teilifís agus déanfaidh siad seastáin eolais éagsúla a shocrú in ionaid phoiblí agus ag stáisiúin dóiteáin ar fud na Cathrach agus an Chontae.
Chomh maith le seoladh sheachtain na Sábháilteachta Dóiteáin in 2024, d’fhógair an tAire Tithíochta, Rialtais Áitiúil agus Oidhreachta Darragh O’Brien infheistíocht de €500,000 do chlár na mbunscoileanna in 2024 agus infheistíocht bhreise de €250,000 don Scéim Aláraim Deataigh Pobail; soláthróidh €100,000 den mhéid sin aláraim deataigh atá oiriúnaithe go speisialta do dhaoine bodhra agus breacbhodhar a bheidh le dáileadh ag na hÚdaráis Dóiteáin áitiúla.
Chun tuilleadh eolais a fháil faoi Sheachtain Náisiúnta na Sábháilteachta Dóiteáin, tabhair cuairt ar: http://firesafetyweek.ie