Feithiclí Tréigthe

Conas feithicil thréigthe a thuairisciú:

Chun feithicil thréigthe a thuairisciú, cuir na sonraí seo a leanas chuig an Rannóg Comhshaoil i gComhairle Chontae na Gaillimhe:

• Clárú feithicle
• Dath, Déantús agus Samhail na feithicle
• An áit chruinn inar tréigeadh an fheithicil
• An tréimhse nár bogadh an fheithicil (suas le 6 seachtaine) 

Déanfaimid imscrúdú ar an ábhar.   Má mheastar go bhfuil an fheithicil tréigthe, cuirfimid fógra chuig an úinéir cláraithe agus féadfaimid fógra a ghreamú den fheithicil.   

Tabhair faoi deara an méid seo a leanas: 

• Ní bhainfimid feithiclí ach as maoin phoiblí. Ní rachaimid isteach i maoin phríobháideach chun feithicil a bhaint, mura bhfuil cúinsí eisceachtúla ann.
• Ba chóir feithiclí gan cháin ná árachas ar bhóithre poiblí a thuairisciú do na Gardaí.
• Ba chóir feithiclí loiscthe a thuairisciú do na Gardaí.
• Ní mheasfar feithiclí in eastáit phríobháideacha a bheith tréigthe.   

Conas feithiclí nach bhfuil ag teastáil a dhiúscairt i gceart: 

Is féidir leat do charr nó do veain bheag nach dteastaíonn uait a thabhairt saor in aisce chuig an tSaoráid Cóireála Údaraithe is gaire duit áit a bhfaighidh tú Deimhniú Scriosta don fheithicil.   Déanfaidh sé seo na comhaid náisiúnta feithicle go léir a nuashonrú freisin ionas nach bhfaighidh tú meabhrúcháin mhótarchánach etc. a thuilleadh.    Le haghaidh tuilleadh sonraí, féach ar an rannán ar Fheithiclí Ré Caite ag Rialachán Dramhaíola