Feasacht agus oideachas

Is tosaíocht í seo don Rannóg Chomhshaoil. Tá sé mar aidhm againn clár cuimsitheach oideachais agus faisnéise a chur ar fáil maidir le bainistiú dramhaíola, cosc dramhaíola, laghdú dramhaíola agus bruscar. Oibrímid le Coistí na mBailte Slachtmhara agus le Grúpaí Pobail eile agus molaimid do scoileanna páirt a ghlacadh i gClár na Scoileanna Glasa.   Trí oibriú leis na grúpaí seo, roinnimid faisnéis maidir le bainistiú dramhaíola, athchúrsáil agus bruscar, trí:     

• Cruinnithe agus cláir sa phobal.
• Gníomhaíochtaí scoile.
• Imeachtaí agus bolscaireacht.
• Ar líne trí shuíomh gréasáin agus feachtais sna meáin shóisialta. 

Tionscnaimh maidir le Bainistiú Dramhaíola:  

• Comhroinnt faisnéise maidir le conas dramhaíl a bhainistiú agus dramhaíl tí chontúirteach a chur de láimh go sábháilte
• Athúsáid agus athchúrsáil a chur chun cinn
• Cur amú bia a laghdú
• Tacaíocht a thabhairt d’imeachtaí bailiúcháin speisialta lena n-áirítear plaistigh feirme, dramhaíl leictreonach, crainn Nollag, etc.

 Tionscnaimh Frithbhruscair: 

• Feachtais Ghlantacháin Náisiúnta agus Áitiúla
• Feachtais i gcoinne bruscar guma coganta, freagracht úinéirí madraí agus bruscar a chaitheamh
• Cláir oideachais ar an raidió agus i bpictiúrlanna. 

Faisnéis faoi Éifeachtúlacht Acmhainní:  

• Eolas ar conas acmhainní amhail uisce agus fuinneamh a shábháil
• Béim ar na buntáistí coigiltis airgid agus comhshaoil a bhaineann le héifeachtúlacht acmhainní
• Faisnéis faoi ghlasú féilte, gnólachtaí, etc.
• Ag obair le Scoileanna Glasa ar éifeachtúlacht acmhainní, agus ag múineadh faoi fhreagracht dhomhanda

Tá rannpháirtíocht an phobail ríthábhachtach agus oibrímid le:   

• Grúpaí a choinníonn bailte agus sráidbhailte slachtmhar.
• Oibrithe deonacha.
• Daoine a eagraíonn féilte agus imeachtaí.
• Aon bhaill eile sa phobal a bhfuil suim acu ann. 

Cuirimid tacaíocht ar fáil do ghrúpaí Bailte Slachtmhara trí:  

• Cabhrú le bainistiú bruscair agus glantacháin.
• Cabhrú le pleanáil a dhéanamh maidir le héifeachtúlacht dramhaíola agus acmhainní.
• Imeachtaí oideachais a eagrú.
• Gnólachtaí glasa a chur chun cinn.