Bailiú Dramhaíola

Faoin Acht um Bainistiú Dramhaíola 1996, is ar an duine atá i seilbh na dramhaíola atá an phríomhfhreagracht as bainistiú aon dramhaíola, lena n-áirítear costais bhailiúcháin nó diúscartha.   Ar an leibhéal áitiúil, ghlac Comhairle Chontae na Gaillimhe le Fodhlíthe um Bainistiú Dramhaíola in 2019 chun críocha bainistíocht cheart dramhaíola agus cosc a chur ar thruailliú comhshaoil ó dhramhaíl.    

Cad iad na roghanna atá agam chun mo dhramhaíl tí a bhainistiú i gceart?  

Faoi Fho-dhlíthe Bainistíochta Dramhaíola Chomhairle Chontae na Gaillimhe, tá oibleagáid dhlíthiúil ort a chinntiú go mbailíonn Bailitheoir Dramhaíola Údaraithe an dramhaíl ó do theach nó ó do ghnó.  

Leis na Fo-dhlíthe sin, ceadaítear d’úinéirí tí seirbhís bruscair a roinnt le comharsa.   Sa chás seo, ní mór don úinéir tí Foirm Chomhroinnte Boscaí Bruscair a chomhlánú lena gcomharsa lena chur faoi bhráid na Rannóige Comhshaoil.   Ní mór gach íocaíocht as seirbhísí a bheith cothrom le dáta ag aon chigireachtaí ar cheachtar teaghlach.  Is féidir an fhoirm chomhaontaithe maidir le comhroinnt na mboscaí bruscair a íoslódáil anseo:

Cuireann na Fodhlíthe san áireamh freisin go bhféadfadh sé nach mbeadh duine aonair in ann leas a bhaint as seirbhís bailithe dramhaíola agus go bhféadfadh sé/sí rogha a dhéanamh a dhramhaíl a bhainistiú trí Ionaid Fóntas Poiblí a úsáid.   Sa chás seo, ní mór don duine aonair a bheith in ann a chruthú go ndéanann siad a ndramhaíl a dheighilt ina dramhaíl in-athchúrsáilte, orgánach agus líonadh talún, agus na hadmhálacha agus cruthúnas íocaíochta go léir a choinneáil chun a léiriú go bhfuil a ndramhaíl á bainistiú i gceart.    Ní mór iad seo a sholáthar ar iarratas ó Oifigeach Údaraithe de chuid Chomhairle Chontae na Gaillimhe.    

Conas a shocraím seirbhís bailithe dramhaíola tí?  

Ní mór do Bhailitheoirí Údaraithe Dramhaíola an dramhaíl ar fad ó theaghlaigh a bhailiú.   Ní mór Cead Bailithe Dramhaíola bailí a bheith ag Bailitheoirí Dramhaíola arna eisiúint ag an Oifig Náisiúnta um Cheadanna Bailithe Dramhaíola (NWCPO).    Mar chuid dá gcoinníollacha ceadúnais, ní mór do gach bailitheoir dramhaíola cláraithe a nUimhir Cheadúnais a thaispeáint ar a bhfeithicil agus cóip den cheadúnas a iompar ina bhfeithicil.     Is féidir leat sonraí iomlána an cheada a sheiceáil, lena n-áirítear na cineálacha dramhaíola atá údaraithe ag Bailitheoirí a bhailiú, ag an Oifig Náisiúnta um Cheadanna Bailithe Dramhaíola - Ceadanna Cuardaigh 

Cuideachtaí Údaraithe um Bhailiúchán Dramhaíola Tí i gContae na Gaillimhe:  

NÁ BAIN ÚSÁID AS BAILIÚCHÁIN DHRAMAÍOLA MÍDHLEATHACHA NÓ OIBRÍOCHTAÍ DE CHINEÁL “FEAR SA VEAIN” CHUN DO DHRAMHAÍL A DHIÚSCAIRT;  MÁ DHÉANANN TÚ AMHLAIDH, AGUS MÁ DHÉANTAR AN DRAMHAÍL A RIANÚ AR AIS CHUGAT, D'FHÉADFAÍ FÍNEÁIL A GHEARRADH ORT AGUS D'FHÉADFÁ A BHEITH FAOI DHLITEANAS IONCHÚISIMH.    

DÉAN BAILITHEOIRÍ DRAMHAÍOLA NEAMHDHLEATHACHA A THUAIRISCIÚ DON RANNÓG COMHSHAOIL AGUS PLÉIFIMID LE DO GHEARÁN FAOI RÚN.