Sainmhínítear Nochtadh Cosanta san Acht um Nochtadh Cosanta 2014 mar nochtadh faisnéise a léiríonn, i dtuairim réasúnta an oibrí, ceann amháin nó níos mó de 'mhí-ghníomhartha ábhartha', a tháinig faoi bhráid an oibrí i ndáil le fostaíocht an oibrí agus a nochtar ar an mbealach atá forordaithe san Acht um Nochtadh Cosanta 2014.
Tuairisciú Inmheánach ar Nochtadh Cosanta
Tugadh an tAcht um Nochtadh Cosanta 2014 isteach chun ligean d’oibrithe faisnéis a nochtadh faoi mhí-iompar san ionad oibre trína chinntiú go gcosnaítear oibrithe a labhraíonn amach ó phionós. Foráladh leis an Acht freisin bealaí inmheánacha, seachtracha agus rialála chun nochtadh a dhéanamh.
Sa bhliain 2019, ghlac an tAontas Eorpach Treoir 2019/1937 maidir le cosaint daoine a thuairiscíonn sáruithe ar Dhlí an Aontais agus bhí gá le leasú a dhéanamh ar an reachtaíocht atá ann cheana chun forálacha na Treorach a chur i bhfeidhm. Bhí gá le reachtaíocht nuashonraithe freisin chun RGCS agus reachtaíocht leasaithe um Shaoráil Faisnéise a chur san áireamh. Dá bhrí sin, síníodh an tAcht um Nochtadh Cosanta (Leasú) 2022 ina dhlí an 21 Iúil 2022.
Is é príomhchuspóir na reachtaíochta maidir le Nochtuithe Cosanta ná cultúr dearfach san ionad oibre a chur chun cinn agus a spreagadh, ina bhfuil luach ar imní a ardú maidir le mí-iompar féideartha agus ina ndéanann comhlachtaí poiblí gníomh cuí mar fhreagairt ar nochtuithe den sórt sin.
Go sonrach, is iad seo a leanas príomhchuspóirí na reachtaíochta:
- Oibrithe a spreagadh chun ábhair imní réasúnta a ardú maidir le mí-iompar féideartha san ionad oibre ionas gur féidir aghaidh a thabhairt ar na hábhair imní sin;
- Chun tacú le timpeallacht oibre, a bhfuil an phríomhfhócas aici ar fhreagairt don "teachtaireacht" (i.e. an tuairisc ar mhí-iompar) seachas ar an "teachtaire" (i.e. an t-oibrí a dhéanann an tuairisc).
- An ceanglas dlíthiúil a neartú nach ngearrfaidh comhlachtaí poiblí pionós ar oibrí a dhéanann nochtadh cosanta;
- A chinntiú go ndéantar measúnú agus imscrúdú inniúil agus tráthúil ar thuairiscí ar mhí-iompar agus go dtabharfar freagairt iomchuí ina dhiaidh sin, más gá.
Tuairisciú Seachtrach ar Nochtadh Cosanta
Leagtar amach sna nósanna imeachta seo thíos an próiseas chun nochtadh cosanta a dhéanamh maidir le mí-iompar, mar a shainmhínítear sa reachtaíocht maidir le nochtuithe cosanta, don Phríomhfheidhmeannach, Comhairle Chontae na Gaillimhe mar dhuine forordaithe, trí úsáid a bhaint as bealaí tuairiscithe seachtracha.
Tuarascálacha Bliantúla um Nochtadh Cosanta
Teagmháil
Address
Comhairle Chontae na Gaillimhe
Áras an Chontae
Cnoc na Radharc
Co. Galway
H91 H6KX