Gradaim Mórtas Ceantair

Cad is Mórtas Ceantair ann?

Comórtas Uile-Éireann is ea Mórtas Ceantair Chomhlachtaí Poiblí na hÉireann (IPB), i gcomhar le Co-operation Ireland, a cheiliúrann an obair iontach atá ar siúl ag pobail ar fud na hÉireann.

Agus é seolta in 2003, leagann an comórtas béim ar an gcaoi a dtagann daoine le chéile chun an saol laethúil a fheabhsú, agus a shaibhriú ina gceantair áitiúla. Ó cuireadh tús leis an gcomórtas, tá tionchar dearfach imeartha aige ar na céadta duine a bhfuil mórtas ceantair orthu.

Conas a oibríonn an comórtas

Tugann Mórtas Ceantair cuireadh do phobail teacht agus a n-éachtaí a thaispeáint go díreach chuig painéal breithiúna. Le cuir i láthair ó bhéal, leagann pobail béim ar a n-éachtaí, a gcultúr, agus na gnéithe uathúla sin a bhfuil siad bródúil astu.

Cuid thábhachtach den chomórtas is ea comhpháirtíochtaí láidre a léiriú le húdaráis áitiúla agus a chinntiú go bhfuil gach earnáil den phobal bainteach leo. Baineann sé le meas, ionchuimsiú, agus muintearas a chothú beag beann ar aois, cúlra ná ioncam.

Spreagann an comórtas seo pobail a bheith bródúil as a n-oidhreacht, cultúr, éachtaí, agus daoine. Is ceiliúradh é ar an rud a dhealaíonn gach áit ó áiteanna eile, agus a n-iarrachtaí coiteanna chun spiorad an phobail a neartú.

Éachtaí Chontae na Gaillimhe, 2024

Bíonn Contae na Gaillimhe chun tosaigh i gcomórtas Mórtas Ceantair i gcónaí:

• Ainmníodh Baile Liam mar neasóir i gcatagóir ‘lonnaíochtaí le 0–300 Duine’. Arna ainmniú ag Comhairle Chontae na Gaillimhe, tugadh aitheantas don phobal as:
  • Muileann Bhaile Liam agus Teachín an Mhuilleora a athchóiriú
  • Timbhealach Siúil 3.3km le comharthaíocht bhithéagsúlachta
  • Nasc sábháilte do choisithe idir an bhunscoil agus páirceanna CLG
• Bhí Cinn Mhara mar neasóir i gcatagóir‘Gníomhú ar son na hAeráide agus Bithéagsúlacht’. Mar thoradh ar iarrachtaí comhoibritheacha an phobail, bhí an Plean Gníomhaíochtaí um Bithéagsúlacht, 2021–2024, a forbraíodh le Boireann Bheo agus Baicle Crann Chinn Mhara agus Bhaile an Doirín. Tá breis is 9,000 crann arna bplandáil ag teaghlaigh, scoileanna agus grúpaí áitiúla.

Ionadaithe 2025

• Le linn shearmanas Ghradaim an Chathaoirligh i mí na Bealtaine 2025, roghnaigh Comhairle Chontae na Gaillimhe Droichead an Chláirín chun ionadaíocht a dhéanamh don Chontae i gComórtas Mórtas Ceantair Uile-Éireann sa Chatagóir 'lonnaíochtaí le 300-1,000 duine' . 

  Beidh Bailte Slachtmhara Dhroichead an Chláirín ag comhardú an phróisis iontrála agus moltóireachta thar cheann an phobail. 

• Beidh Bothán Fear Marconi ag déanamh ionadaíochta don chontae sa chatagóir ‘Folláine Pobail’. Seo an chéad Bhothán Fear a bhunaigh cúramóirí teaghlaigh fireanna amháin, i ndiaidh Tionscadal Deilte Adhmaid na gCúramóirí Ildánacha a mhaoinigh Éire Ildánach.

  Na cúramóirí teaghlaigh fireanna bunaidh a ghlac páirt i dtionscadal deilte adhmaid na gCúramóirí Ildánacha.

•