Scéim Bonneagair Áineasa Allamuigh (ORIS)

Timpeallacht Nádúrtha & Bithéagsúlacht

Ar an gcéad dul síos ní mó do gach tionscadal teacht le Téigh Amach Faoin Aer, An Straitéis Náisiúnta um Áineas Faoin Aer 2023-2027. Measann an straitéis gur gníomhaíochtaí a bhíonn ar siúl i dtimpeallacht nádúrtha iad áineas faoin aer, amhail siúl, curachóireacht, rothaíocht sléibhe, treodóireacht agus snámh fiáin. Níl gníomhaíochtaí a bhíonn ar bun taobh amuigh ar chúrsaí teoranta nó ar pháirceanna (amhail páirceanna gailf, peile agus seóléimneach) ná gníomhaíochtaí innealta (amhail cuadrothaíocht/rothaíocht streachailte) san áireamh.

Ba cheart do gach tionscadal a chuirtear isteach lena bhreithniú a bheith comhréireach leis an 4ú Plean Gníomhach um Bithéagsúlacht 2023-2030 maidir lena dtionchar ar an mbithéagsúlacht.

Iarratasóirí Incháilithe

Ní mór d'údaráis áitiúla, comhlachtaí forbartha áitiúla agus comhlachtaí stáit obair leis an bpobal áitiúil/grúpaí deonacha, Eagraíochtaí Bainistithe Conairí, agus Coiste Áineasa Faoin Aer an Chontae go háirithe, chun tionscadail a aithint. Tabhair faoi deara nach bhfuil eintitis trádála phríobháideacha nó comhlachtaí trádála brabúis incháilithe do mhaoiniú faoin scéim.

Suíomh an Tionscadail

Ní tionscail suite in aon cheann de na cúig limistéar cathrach (Baile Átha Cliath, Corcaigh, Luimneach, Gaillimh agus Port Láirge) incháilithe faoin scéim.

Ba cheart do thionscadail, go príomha, a bheith suite faoin tuath (i.e. ní i bpurláin bailte ná sráidbhailte). Maoineoidh ORIS bonneagar áineasa a nascann baile nó sráidbhaile le conláistí áineasa suntasacha faoin aer eile atá suite faoin tuath. I bhfianaise na béime ar chonláistí áineasa suite gar d'aibhneacha, locha agus tránna, tá tionscadail uisce-bhunaithe suite i bpurláin bhaile incháilithe chomh maith.

Costais Incháilithe

Ní mór do chostais a bheith:

• Bainteach go díreach le tógáil an tionscadail a gcuirtear isteach air agus a bheith mar thoradh ar phróiseas soláthar poiblí iomchuí.
• Tabhaithe tar éis don DRCD tionscadal a cheadú agus laistigh tréimhse sholáthair an tionscadail.
• infhíoraithe le sonraisc agus cruthúnas ar íocaíocht.

Ní thacóidh an scéim le cineálacha na dtionscadal agus na ngníomhaíochtaí seo a leanas, go háirithe:

• Glasbhealaí thar 20km
• Bonneagar le haghaidh gníomhaíochtaí trádála
• Ceannach/léas talaimh
• Táillí dlí
• Táillí Iniúchta Spórt Éireann
• Spás aclaíochta neamhspleách/tionscadail maidir le limistéir dreasa traenála na callaistéinice
• Dealbha
• Mótarfheithiclí
• Tailte Spóirt, clóis súgartha thraidisiúnta agus Limistéir Ilúsáide Cluichí (MUGAnna)
• Oibreacha i bPáirceanna Baile, conairí sráide marcáilte, siúláin agus rotharbhealaí i mbailte agus sráidbhailte seachas mar a dhéantar cur síos Suíomh an Tionscadail thuas
• Oibreacha dromchla ar bith ar bhóithre poiblí cibé acu atá cuid de chonair reatha nó nach bhfuil. Ní mór do leibhéal bailchríche oibreacha ar bith ar chonairí ar bhóithre neamh-phoiblí a bheith comhréireach le riachtanais na siúlán agus ní riachtanais fheithiclí tráchta i.e. níl an scéim ceaotga chun tarra a chur ar bhóithre
• Athchóiriú agus tógáil foirgneamh2 (seachas i gcúinsí an-eisceachtúla agus teoranta le haghaidh tionscadal nuair a fheabhsófar rochtain go suntasach ar acmhainní áineasa agus úsáid ina leith don phobal níos leithne)
• Siúláin agus raonta reatha suite i spás in áit cúnga, e.g. timpeall pháirceanna spóirt agus chlós súgartha, ar fhaiche spóirt eile
• Oibreacha cothabhála ar ghnéithe de chonairí atá ina ngnáthchuid d'obair a dhéantar mar chuid den Scéim Siúlóide
• Oibreacha clúdaithe faoi na pleananna oibre beartaithe den Scéim Siúlóide
• Gníomhaíochtaí nach gcomhlíonann an sainmhíniú ar an tuath/áineas faoin aer mar a leagtar amach thuas agus mar a shainmhínítear in Téigh Amach Faoin Aer3.
• Forbairt acmhainneachta nó oiliúint
• Costais oibríochta leanúnacha
• Costais nach bhfuil baint dhíreach acu leis an tionscadal
• Costais indíreacha an tionscadail e.g. am foirne na heagraíochta pobail a chaitear ag obair ar an tionscadal in acmhainn riaracháin
• Príomhchostais eagraíochta, forchostais san áireamh
• Costais iarghabhálacha - gníomhaíocht a rinneadh cheana féin nó costais a tabhaíodh roimh dháta a gceadaíodh an tionscadal
• CBL nuair atá iarratasóirí cláraithe do CBL
• Costais amhail costais úis bainc, fíneálacha, pionóis airgid, agus costais achrann dlíthiúil
• Deontais urraíochta agus charthanachta
• Dímheas
• Costais bharúlacha e.g deis chaillte

Cuireann ORIS 2024/2025 maoiniú ar fáil ar an mbealach seo a leanas:

Beart 1

• Deisiú/Forbairt/Fógraíocht agus Margaíocht ar Mhionscála.
• Maoiniú suas le €40,000 ar 90% ráta deontais.
• is féidir le gach Údarás Áitiúil 6 iarratas ar an íosmhéid a chur isteach.
• is féidir le gach cuideachta forbartha áitiúil 3 iarratas ar an íosmhéid a chur isteach.

Beart 2

• Deisiú/Feabhsú ar Mheánscála agus Forbairt Slí/Conláiste Nua.
• Maoiniú suas le €200,000 ar 90% ráta deontais.
• is féidir le gach Údarás Áitiúil 3 iarratas ar an íosmhéid a chur isteach.
• Féadfaidh comhlacht forbartha Áitiúil agus comhlacht Stáit iarratas amháin ar an uasmhéid a chur isteach.

Beart 3

• Deisiú/uasghrádú ar mhórscála agus forbairt slí/conláiste straitéisigh nua
• Maoiniú suas le €500,000 ar 90% ráta deontais
• Féadfaidh údarás áitiúil agus comhlachtaí stáit iarratas amháin a chur isteach faoi seach faoin mBeart seo.

Beart Forbartha an Tionscadail

• Forbairt mhionsonraithe ar thionscadail a chuirfeadh ar a gcumas caighdeán iarratais a bhaint amach faoi Bheart 2 nó Beart 3 de ORIS.
• Maoiniú suas le €50,000 ar 90% ráta deontais.
• Féadfaidh údarás áitiúil dhá iarratas chur isteach faoi seach faoin mBeart seo.
• Féadfaidh cuideachtaí forbartha áitiúla agus comhlachtaí stáit iarratas amháin a chur isteach faoi seach faoin mBeart seo.
• Is féidir le húdaráis áitiúla a bhfuil oileáin áitrithe amach ón gcósta faoina gcúram iarratas amháin breise a chur isteach faoin mBeart seo (3 iarratas ar an uasmhéid) a bhaineann go díreach le tionscadal ar cheann de na hoileáin áitrithe seo amach ón gcósta.