Forbairtí Cónaithe ar Mhórscála (FCM)

Tá sé riachtanach d’fhorbairtí beartaithe a thagann faoi shainmhíniú FCM (Féach Alt 2 den Acht um Pleanáil agus Forbairt (Leasú) (Forbairtí Cónaithe Mórscála), 2021) dul i mbun comhairliúcháin Réamhphleanála faoi Alt 247 den Acht um Pleanáil agus Forbairt, 2000 (arna leasú), agus ina dhiaidh sin, “cruinniú FCM” leis an Údarás Pleanála a iarraidh faoi Alt 32 den Acht céanna (arna leasú).

Is é cuspóir an chomhairliúcháin réamhiarratais ná deis a thabhairt d’iarratasóirí ionchasacha comhairle a fháil ón Údarás Áitiúil maidir le haon ábhair phleanála a d’fhéadfadh tionchar a bheith acu ar an gcinneadh. Ceanglaítear ar Údaráis Phleanála cruinniú a sceidealú laistigh de 4 seachtaine ón dáta a fhaigheann siad iarratas ar chomhairliúcháin réamhiarratais. Ní féidir comhairliúchán réamhiarratais a shocrú ach amháin le duine a bhfuil leas dlíthiúil leordhóthanach acu sa talamh lena mbaineann agus maidir le togra forbartha sainiúil amháin. Níl aon táille ag baint leis an gComhairliúchán réamhiarratais de réir Alt 247.

Ba chóir iarratais ar chomhairliúchán réamhiarratais le haghaidh FCManna a sheoladh chuig: majorplanningapplications@galwaycoco.ie

Is féidir an Fhoirm Iarratais ar Chomhairliúchán Réamhiarratais FCM a íoslódáil anseo; 

Ní mór iarratais ar Chéim 1 de chruinniú FCM, lena n-áirítear na doiciméid ábhartha, a sheoladh chuig:

Ríomhphost: majorplanningapplications@galwaycoco.ie

Seoladh poist:

An Rannóg Pleanála (Iarratais Mhóra)

Áras an Chontae

Cnoc na Radharc
Gaillimh H91 H6KX

Guthán: (091) 509043

Amanna Oscailte: 09.00-16.00 Luan go hAoine

Tar éis d’iarratasóir FCM ionchasach freastal ar chruinniú de réir Alt 247, féadfaidh siad ‘cruinniú FCM’ a iarraidh leis an Údarás Áitiúil sin. Tar éis dóibh iarratas comhairliúcháin FCM a fháil, ceanglaítear ar an Údarás Pleanála cruinniú comhairliúcháin a shocrú leis an iarratasóir laistigh de 4 seachtaine ón dáta a fuair siad an t-iarratas. Ceanglaítear ar thograí uile an FCM tabhairt faoi ‘chruinniú FCM’ leis an Údarás Pleanála ábhartha chun ‘tuairim FCM’ a fháil lena gcuirtear in iúl “an ionann an togra agus bonn réasúnach chun iarratas pleanála FCM a chur isteach” faoi Alt 32(D) den Acht um Pleanáil agus Forbairt, 2000-2021.

Go ginearálta, iarrtar ar iarratasóirí 2 chóip chrua chlóite agus cóip dhigiteach amháin (CD) den iarratas FCM a chur isteach agus ní mór dóibh na doiciméid riachtanacha a bheith san áireamh mar a leagtar amach in Alt 32(B) den Acht um Pleanáil agus Forbairt (Leasú) (Forbairtí Cónaithe Mórscála) 2021, agus an táille iarratais chuí (€1,500).

Ba chóir iarratais ar chomhairliúchán Réamhiarratais le haghaidh FCManna a sheoladh chuig: majorplanningapplications@galwaycoco.ie

Ní mór iarratais ar Chéim 2 de chruinniú FCM, lena n-áirítear na doiciméid ábhartha, a sheoladh chuig:

Ríomhphost: majorplanningapplications@galwaycoco.ie

Seoladh poist:

An Rannóg Pleanála (Iarratais Mhóra)

Áras an Chontae

Cnoc na Radharc
Gaillimh H91 H6KX

Guthán: (091) 509043

Amanna Oscailte: 09.00-16.00 Luan go hAoine

Tar éis an chruinnithe FCM le hiarratasóir ionchasach ní mór don Údarás Pleanála ‘Tuairim FCM’ a dhéanamh laistigh de 4 seachtaine ó dháta an chomhairliúcháin. Is éard atá i gceist leis seo ná na doiciméid a chuirtear isteach chun críocha an chruinniú ‘FCM’ maidir le cibé an bhfuil an togra ina bhonn réasúnach chun iarratas pleanála FCM a dhéanamh. I gcás ina mbeidh an tÚdarás Pleanála den tuairim gur gá tuilleadh machnaimh agus leasaithe a dhéanamh, tabharfaidh sí comhairle maidir leis na saincheisteanna nach mór don iarratasóir ionchasach aghaidh a thabhairt orthu sna doiciméid a bheidh le cur isteach in éineacht leis an iarratas. Tá an ‘Tuairim FCM’ a eisíonn an tÚdarás Áitiúil bailí ar feadh tréimhse suas le 6 mhí amháin. 

Ní mór d’iarratasóir ionchasach FCM na ceanglais seo a leanas a chomhlíonadh sula ndéanann siad iarratas FCM:

• Chuaigh siad i dteagmháil leis an Údarás Áitiúil faoi Alt 247 agus fuair siad tuairim FCM (dar dáta laistigh de 6 mhí)
• Tá an t-iarratas tar éis dul i ngleic le haon saincheisteanna a aithníodh nó le heasnaimh san fhaisnéis atá leagtha amach sa ‘Tuairim FCM’
• Ceanglaítear ar an iarratasóir cóip den iarratas FCM a chur ar fáil le go mbeidh an pobal in ann féachaint air ar shuíomh gréasáin tiomnaithe

Tá Iarratais FCM faoi réir amlínte Alt 34, agus cinntí dlite 8 seachtaine ó thaisceadh an iarratais murar iarradh faisnéis bhreise. Faoin socrú nua seo, féadfaidh Údaráis Áitiúla faisnéis bhreise a iarraidh maidir le hiarratas pleanála FCM. Ach ní féidir é sin a iarraidh ach uair amháin le linn an phróisis iarratais.

Ní dhéanfaidh cruinniú FCM ná soláthar thuairim FCM dochar do chomhlíonadh a fheidhmeanna ag an Údarás Pleanála faoin Acht iomchuí nó faoi aon rialacháin faoin Acht sin nó faoi aon rialacháin de chuid an Achta sin ná de chuid achtacháin eile agus ní féidir brath air sa phróiseas foirmiúil pleanála nó in imeachtaí dlíthiúla.