Is clár náisiúnta é Ceart chun Léitheoireachta chun litearthacht agus forbairt léitheoireachta a chur chun cinn do dhaoine de gach aois agus cúlra. Seoladh é in 2013, agus tá ceithre chlár náisiúnta ann faoi láthair a ceapadh chun léitheoireacht agus litearthacht leanaí a chur chun cinn.
I mí Aibreáin, déanaimid ceiliúradh ar thábhacht na scéalta agus na scéalaíochta féin hamanna scéalaíochta agus imeachtaí breise inár mbrainsí leabharlainne. Faigh tuilleadh eolais faoina bhfuil ar siúl anseo.
Bíonn Réaltaí an tSamhraidh ar siúl gach samhradh ó mhí Meithimh go dtí deireadh mhí Lúnasa. Moltar do leanaí clárú le bheith ina Réalta Samhraidh, agus leanúint orthu ag léamh i rith an tsamhraidh. Is féidir leo a spriocanna léitheoireachta féin a shocrú, agus tá gach cineál leabhar san áireamh, lena n-áirítear closleabhair agus úrscéalta grafacha. Gheobhaidh páistí mála agus leabhar gníomhaíochta nuair a chláraíonn siad, agus ag deireadh an tsamhraidh nuair a thugann siad a gcárta léitheoireachta ar ais gheobhaidh siad teastas agus bonn.
Is Féile Leabhar do leanaí é Book It! a bhíonn ar siúl gach Deireadh Fómhair ar fud Leabharlanna Poiblí na Gaillimhe le tacaíocht ó Oifig Ealaíon Chontae na Gaillimhe agus Oifig Ealaíon Chathair na Gaillimhe. Is ceiliúradh í an fhéile ar leabhair agus ar an léitheoireacht agus is deis í chun bualadh le húdair nua agus le húdair seanaitheanta a bhfuil cion ag a léitheoirí orthu.
Tuigimid cé chomh dearfach is atá tionchar an leabhair agus na léitheoireachta ar fholláine mheabhrach ár ndaoine óga. Agus an méid sin san áireamh, cuireann Book It! cuid dár n-údair, maisitheoirí agus scéalaithe is fearr linn i láthair trí réimse imeachtaí i leabharlanna agus i scoileanna.
Bíonn Am Teaghlaigh ag do Leabharlann ar siúl i mí na Nollag, agus moltar do theaghlaigh teacht chuig an leabharlann agus am a chaitheamh le chéile, bíodh sé ag am scéalaíochta, ag imirt cluichí boird nó ag roghnú leabhar le léamh le chéile.
Málaí Leabharlainne Beaga
Chun cabhrú le páistí dul i ngleic leis an scoil agus iad ag tosú ann, tá mála speisialta ag leabharlanna le leabhair agus acmhainní atá dírithe orthu féin agus is féidir iad a bhailiú in aon leabharlann.
Is féidir le leanaí agus a dtuismitheoirí nó a gcaomhnóirí na málaí a bhailiú in aon leabharlann ar fud na tíre ón 9 Bealtaine 2025.
Tá málaí leabhar ar fáil i nGaeilge agus i mBéarla.
Tá leabharlanna ag tnúth le fáilte a chur roimh na páistí 4, 5 agus 6 bliana d'aois chun a málaí leabhar a bhailiú agus tús a chur lena dturas ballraíochta leabharlainne.
Tá súil againn, a luaithe a thugann siad cuairt ar an leabharlann chun a mála leabhar a bhailiú, go dtiocfaidh ár mbaill nua leabharlainne agus a dteaghlaigh ar ais go rialta chun a mála a choinneáil lán le leabhair ar iasacht agus chun páirt a ghlacadh in amanna scéalaíochta, i ranganna agus sna himeachtaí eile go léir atá le tairiscint againn sa leabharlann.
Faigh tuilleadh eolais faoin tionscnamh náisiúnta anseo.
