Tá Creative Expo® de chuid Showcase – Ireland ar an seó trádála is mó sa tír. Tugann níos mó ná 3,350 ceannaitheoir cuairt ar an ócáid ó gach cearn den domhan, lena n-áirítear Éire, an Ríocht Aontaithe, SAM, Mór-roinn na hEorpa agus an Cianoirthear, rud a ghineann orduithe díolacháin os cionn €25.6 milliún le linn 3 lá an tseó.
Cuirtear Showcase i láthair thar ceann Chomhairle Dearaidh agus Ceardaíochta na hÉireann, le tacaíocht ó Fhiontraíocht Éireann chun an seó trádála a chur chun cinn go hidirnáisiúnta trína líonra oifigí thar lear agus na hOifigí Fiontair Áitiúil ar fud na tíre.
Oibríonn foireann OFÁ go dlúth leis na cliaint go léir sa tréimhse roimh an Showcase lena chinntiú gurb iad is fearr atá in ann an deis a uasmhéadú le ceannaitheoirí náisiúnta agus idirnáisiúnta. Áirítear leis sin oiliúint i dteicnící díolacháin, marsantú agus margaíocht dhigiteach chun a chinntiú go bhfuil siad á gcur féin agus a dtáirgí chun cinn i gceart.