Taking Stock

Cad is Taking Stock ann?

I mí an Mhárta, 2025, chomhoibrigh Éire Shláintiúil Rialtais Áitiúil (HILG) do Ghaillimh, Ros Comáin, agus Maigh Eo ar Thionscnamh Folláine d'Fheirmeoirí, a thacaigh le hoideachas i réimsí éagsúla, amhail sláinte fhisiceach, sláinte chardashoithíoch, meabhairshláinte, pleanáil airgeadais, comharbas, agus an strus a leanann é ar shláinte fhoriomlán.

Craoladh Taking Stock of Farmer's Health ar an raidió gach Máirt ar an Agri Programme le Keith Fahy ar Galway Bay FM. Gach seo, phléigh aoichainteoirí ar saineolaithe iad, topaicí éagsúla, lena n-áirítear comharbas agus an fheirm, pleanáil airgeadais, sláinte chardashoithíoch, agus an chothromaíocht oibre agus saoil d'fheirmeoirí. Ina theannta sin, bhí an fhaisnéis ar fáil i nuachtán áitiúil na Gaillimhe The Connaught Tribune, agus i nuachtáin áitiúla i gcontaetha Mhaigh Eo agus Ros Comáin. Scaipeadh fógráin ar fheirmeoirí sa réigiún chun tuilleadh faisnéis a chur ar fáil agus chun feasacht a mhúscailt mar gheall ar an tionscnamh ábhartha agus tábhachtach seo.

Tá an clár réigiúnach seo á riar ag Comhordaitheoirí Éire Shláintiúil i gcomhar le Teagasc, IFA, FSS, Croí, agus Meabhairshláinte na hÉireann.

Cuspóir 

Bhí sé mar aidhm ag Taking Stock aghaidh a thabhairt ar riachtanais sláinte feirmeoirí, grúpa nach bhfreastalaítear orthu go minic i bhfor-rochtain thraidisiúnta mheabhairshláinte. Bíonn brúnna uathúla ar phobail feirmeoireachta - éiginnteacht eacnamaíochta, leithlisiú, uaireanta fada, agus ualach fisiceach an phoist - cuireann gach ceann acu seo le leibhéil struis ardaithe. In ainneoin na ndúshlán seo, is topaic dheacair í meabhairshláinte lena plé ar bhealach oscailte i gceantair thuaithe, áit ar féidir náire chultúrtha agus braistint láidir féinspleáchais bac a chur ar dhaoine aonair tacaíocht a lorg.

Dhírigh an clár ar idirghabháil luath agus treoir phraiticiúil, agus roinneadh uirlisí a d'fhéadfaí a chur in úsáid sa saol laethúil. Ag tarraingt ar shamhail na gCúig Bhealach i dtreo na Folláine, spreag Taking Stock feirmeoirí chun teagmháil a dhéanamh le daoine eile, fanacht gníomhach ó thaobh cúrsaí fisiceacha de, suntas a dhéanamh do rudaí beaga dearfacha, leanúint leis an bhfoghlaim, agus cabhrú a thabhairt dá bpobail. Cuireadh na gníomhartha simplí, fianaisebhunaithe sin i láthair mar bhealaí chun athléimneacht a fhorbairt agus folláine mheabhrach a choinneáil agus dúshláin leanúnacha rompu.

Trí theagmháil dhíreach a dhéanamh le feirmeoirí, a dteaghlaigh, agus comhairleoirí feirme, chabhraigh Taking Stock le feasacht a mhúscailt agus cur chuige réamhghníomhach i leith meabhairshláinte a chur chun cinn. Leag an clár béim freisin ar an tábhacht a bhaineann le hidirdhealú a dhéanamh idir an rud a bhfuil agus nach bhfuil neart air - amhail an aimsir, beartas, agus fórsaí an mhargaidh -agus spreagadh feirmeoirí chun díriú ar straitéisí oiriúnaitheacha, pleanáil do lá na coise tinne, agus na tacaíochtaí atá ar fáil. Leis an méid seo a dhéanamh, bhí sé mar aidhm aige folláine aonair agus inbhuanaitheacht fhadtéarmach teaghlach feirme a neartú.