Úinéireacht Fhreagrach Madraí

Is pribhléid é a bheith i d'úinéir madra, ach tagann go leor freagrachtaí leis.

Seo a leanas achoimre ar do fhreagrachtaí dlíthiúla: 

• Is ceanglas dlíthiúil é ceadúnas a bheith agat do do mhadra má tá sé os cionn 4 mhí d'aois.
• Is ceanglas dlíthiúil é go mbeadh micrishlis ar do mhadra agus go mbeadh sé cláraithe ar bhunachar sonraí ceadaithe.
• Is ceanglas dlíthiúil é do gach madra coiléar nó ainmchlib a chaitheamh le hainm agus seoladh an úinéara air.
• Ba chóir go mbeadh madra faoi smacht éifeachtach a úinéara i gcónaí agus gan cead a bheith aige fánaíocht saor in áiteanna poiblí, ná in áiteanna ina bhféadfadh sé cur isteach ar bheostoc etc.
• Is dualgas morálta agus freagracht dhlíthiúil úinéara é glanadh suas i ndiaidh a madra, agus is cion faoin Acht um Thruailliú Bruscair é mainneachtain glanadh suas nuair a dhéanann do mhadra salachar in áit phoiblí.
• Ba chóir d’úinéirí madraí gach iarracht a dhéanamh a chinntiú nach mbíonn madraí ag tafann ar feadh tréimhsí fada ama, rud a chuirfeadh isteach ar chomharsana.
• Ba chóir pórtha srianta a choinneáil ar iall nó béalóg a choinneáil orthu.
• Ba chóir madraí a bheith srianta i gceart agus iad ag taisteal i bhfeithiclí.
• Ba chóir d’úinéirí madraí cúram cuí a thabhairt dá madra, lena n-áirítear bia, uisce glan, foscadh, cúram tréidliachta, agus oiliúint agus sóisialú cuí.   

Is ortsa atá an fhreagracht ar do mhadra. 

Cibé rud a dhéanann siad, ní ar do mhadra atá an locht.

Is ortsa atá sé….

Féach ar an mbileog náisiúnta seo maidir le húinéireacht fhreagrach madraí atá tiomsaithe i gcomhpháirtíocht idir an Roinn Talmhaíochta, Bia agus Mara, an Roinn Forbartha Tuaithe agus Pobail agus Údaráis Áitiúla: Bileog maidir le hÚinéireacht Fhreagrach Madraí