Reiligí

Infhaighteacht Áiteanna Uaighe

Ní féidir áiteanna uaighe a cheannach roimh ré—ní leithdháiltear iad ach amháin de réir mar is gá (i.e., nuair a fhaigheann duine bás).
Chun áit uaighe a cheannach, déan teagmháil le Feighlí na Reilige don reilig ábhartha. Bíonn a sonraí teagmhála ar eolas go háitiúil de ghnáth, agus beidh an fhaisnéis seo ag adhlacóirí freisin.
Nó is féidir leat teagmháil a dhéanamh le Rannóg Comhshaoil Chomhairle Chontae na Gaillimhe ar na huimhreacha thíos.

Táillí Áiteanna Uaighe

Gnáthreiligí

• Láthair Dhúbailte Uaighe: €726
• Láthair Aonair: €385

Reilig Rinn Mhíl (gan nasc áitiúil)

• Láthair Dhúbailte Uaighe: €1,530
• Láthair Aonair: €650

Reilig na Críche

• Le haghaidh táillí uaighe, déan teagmháil le hOifigeach Réigiúnach Bhéal Átha na Sluaighe ar 091 509 074

Taillí le haghaidh Ballaí Colmlainne agus Áit Uaighe Síothla

Tá áiseanna tugtha isteach ag Comhairle Chontae na Gaillimhe chun corp créamtha a adhlacadh in urnaí ag reiligí roghnaithe.

• Balla Colmlainne: Balla a tógadh chun na críche sin le seomraí (cuasáin) aonair do na síothla adhlactha.
• Áit Uaighe Síothla: Leac uaighe agus plota féir le colbha cloiche chun síothal a chur.

Tá na roghanna seo ar fáil tríd an bhFeighlí Reilige áitiúil sna háiteanna seo a leanas:

• Reilig Mhaigh Cuilinn (Balla Colmlainne)
  Cuasán le haghaidh suas le 4 síothal – €2,000
• Reiligh an Choilligh (Áiteanna Uaighe Síothla)
  Áit uaighe le haghaidh suas le 2 shíothal – €675

Túrthuamaí Síothla ag Rinn Mhíl

I gcomhar le Urn Towers, cuireann Comhairle Chontae na Gaillimhe adhlacadh iarsmaí créamtha ar fáil i dTúrthuama Síothla ag Reilig Rinn Mhíl, Órán Mór freisin.

Le haghaidh tuilleadh eolais nó chun iarratas a dhéanamh ar thuama, déan teagmháil le:
📞 087 223 2572
📧 contact@urntowers.com

Tá Ceadúnas Dí-adhlactha ag teastáil chun iarsmaí daonna (lena n-áirítear iarsmaí créamtha) a bhaint as láthair adhlactha. Ní bhreithnítear dí-adhlacadh ach amháin i gcúinsí eisceachtúla agus ní fhéadfar iad a dhéanamh ach amháin i láthair Oifigeach Sláinte Comhshaoil de chuid an FSS. Má dheonaítear an ceadúnas, is ar an iarratasóir atá an fhreagracht as na costais uile a bhaineann leis an dí-adhlacadh agus an ath-adhlacadh ina dhiaidh sin.

Beidh ort Foirm Cheadúnais Dí-adhlactha a chomhlánú a chuirfear faoi bhráid na Roinne Comhshaoil mar aon le cóip den Teastas Báis. 

Tá bainistíocht Reiligí rialaithe ag reachtaíocht agus rialacháin sláinte éagsúla, amhail “Rialacha is infheidhme maidir le Reiligí arna bhforáil faoin Acht Sláinte Poiblí (Éire) 1878” agus “Rialacha agus Rialacháin maidir le Rialáil Reiligí” arna leasú.   

Is féidir le húdaráis áitiúla fodhlíthe a chruthú chun gnéithe sonracha de reiligí laistigh dá gceantair a bhainistiú agus tá Comhairle Chontae na Gaillimhe i mbun fodhlíthe a dhréachtú faoi láthair chun gnéithe sonracha a bhainistiú, amhail cead le haghaidh leaca uaighe. Idir an dá linn, tá beartas Chomhairle Chontae na Gaillimhe maidir le Reiligí leagtha amach sa doiciméad beartais seo a leanas: 

Leagtar amach sna doiciméid seo a leanas na rialacha a rialaíonn úsáid Ballaí Colmlainne agus Áiteanna Uaighe Síothla:

Déanann Oifigí Ceantair Chomhairle Chontae na Gaillimhe agus/nó grúpaí pobail áitiúla cothabháil agus cúram ginearálta na Reiligí. Tá méid teoranta maoinithe ar fáil do na hOifigí Ceantair chun oibreacha a dhéanamh amhail ballaí damáistithe nó contúirteacha a dheisiú, crainn chontúirteacha atá ag crochadh tharstu a bhaint, oibreacha draenála nó cosáin nua a leagan. 

Deontais chothabhála reiligí: 

Tá an Chomhairle buíoch as iarrachtaí na bpobal áitiúil a ghlacann páirt i gcothabháil na reiligí áitiúla, agus is aitheantas do na grúpaí agus na heagraíochtaí áitiúla iomadúla atá páirteach ar an leibhéal áitiúil an caighdeán ard ina gcothabháiltear go leor Reiligí. Tá Scéim Bhliantúil Chothabhála Reiligí ar fáil chun tacú le grúpaí áitiúla lena gcuid oibreacha cothabhála agus glantacháin ag reiligí. Chun cáiliú, ní mór don iarratasóir a bheith ina ionadaí ar choiste reilige an cheantair áitiúil agus foirm iarratais atá ar fáil anseo a chomhlánú:

Is é Dé hAoine an 15 Lúnasa 2025 an dáta deiridh do Dheontais Chothabhála Reiligí don bhliain 2025. 

Ní ghlacfar le hiarratais a fhaightear tar éis an dáta sin. 

Is iad na cineálacha oibreacha atá incháilithe le haghaidh maoinithe faoin deontas ná: 

• Crainn agus toir a chur.
• Gearradh féir.
• Cosáin a ghlanadh.
• Scuaba, sluaistí agus earraí teagmhasacha eile chun oibreacha cothabhála a dhéanamh a cheannach. 

Tá cosc ar na nithe seo a leanas: 

• Bearradh fásra fálta idir an 1 Márta agus an 31 Lúnasa
• Eidhneán a bhaint as seanstruchtúir, fothracha nó ballaí eaglaise
• Úsáid lotnaidicídí, luibhicídí nó leasacháin
• Cosáin nua a chur síos

Ní mór do gach iarratasóir agus do Choistí Reilige cloí leis na nithe seo a leanas: 

Treoirlínte maidir le Caomhnú agus Cúram Reiligí:

Taisclann Shaibhir - Ag Iniúchadh agus ag Cothabháil Oidhreacht Reiligí Chontae na Gaillimhe:

Taifid Reiligí i gContae na Gaillimhe

Is foinse shaibhir sonraí iad taifid reiligí do ghinealaithe agus dóibh siúd atá ag déanamh taighde ar stair theaghlaigh i gContae na Gaillimhe.

Taifid Reiligí Ar Líne

Cuireann Cartlann Chomhairle Chontae na Gaillimhe rochtain ar líne ar fáil ar thaifid reiligí i gContae na Gaillimhe, agus is ó lár na 1940idí go dtí an lá atá inniu ann a bhaineann formhór na gclár.

🔗 Cuardaigh na Taifid Reiligí sna Cartlanna

Inscríbhinní Cuimhneacháin

Tá cóipeanna d’inscríbhinní cuimhneacháin do reiligí éagsúla sa chontae i seilbh rannóg na Staire Áitiúla i Leabharlanna Chontae na Gaillimhe. Cuireadh le chéile sna 1990idí iad sin ag cumainn Stair Teaghlaigh FÁS na Gaillimhe.

Tionscadal Mapála Reilige

Tá Oifig Oidhreachta Chomhairle Contae na Gaillimhe ag comhordú tionscadail a bhuaigh gradaim chun mapaí digiteacha a dhéanamh de reiligí. Déantar an tionscnamh seo i gcomhpháirtíocht le Cuideachtaí Forbartha Áitiúla agus oibrithe deonacha áitiúla.

Is féidir leat rochtain a fháil ar na taifid GIS seo agus cuardach a dhéanamh ar an mbunachar sonraí trí na naisc thíos a úsáid:

• 🔗 Aip Cuardaigh Reilig na Gaillimhe
• 🔗 Cuardaigh Bunachar Sonraí na Reilige