Dramhaíl a dhó

Is éard atá i gceist le dó dramhaíola ná tinte ísealteochta nach bhfaigheann mórán ocsaigine agus a tháirgeann méideanna suntasacha deataigh thruaillitheacha dá bharr.    Is féidir le dó den sórt sin truailleáin dhíobhálacha agus tocsaineacha a scaoileadh ar féidir leis an bpobal iad a ionanálú agus drochthionchar sláinte a imirt orthu. 

Is féidir le dó mídhleathach dramhaíola réimse cásanna a chumhdach, lena n-áirítear: 

• Sealbhóirí tí a dhónn dramhaíl lasmuigh ina n-áitreabh féin ar a dtugtar ‘dó sa chúlchlós’ freisin.
• Dó géaga crann gearrtha, bearradh fálta, nó dramhaíl ghlas eile a eascraíonn as oibreacha tírdhreachaithe/garraíodóireachta.
• Dó dramhaíola ó láithreáin tógála amhail dramhaíl plaisteach agus cairtchlár.
• Dó dramhaíola in áiseanna tráchtála/tionsclaíocha.
• Dó dramhaíola tí i dtinte oscailte nó i bhfearais bhreosla sholadaigh eile laistigh den teach. 

Is cion faoin reachtaíocht seo a leanas é dramhaíl a dhó: 

• An tAcht um Bainistiú Dramhaíola 1996 arna leasú
• An tAcht um Thruailliú Aeir 1987
• Na Rialacháin um Bainistiú Dramhaíola (Cosc ar Loscadh Dramhaíle) 2009 I.R. 286/2009
• Na Rialacháin um Bainistiú Dramhaíola (Cosc ar Loscadh Dramhaíle) (Leasú) 2020 I.R. Uimh. 51/2022
• Na Rialacháin um Bainistiú Dramhaíola (Cosc ar Loscadh Dramhaíle) (Leasú) I.R. Uimh. 16/2023  

Dramhaíl Ghlas Tí:  

Tá sé mídhleathach dramhaíl tí a dhó sa bhaile nó i do ghairdín. Féadfar fíneáil suas le €3,000 nó príosúnacht 12 mhí a ghearradh ort má fhaigheann tú ciontú achomair i gCúirt Dúiche.  

Dramhaíl Ghlas Talmhaíochta:  

Tar éis deireadh a chur leis an díolúine maidir le dramhaíl ghlas talmhaíochta a dhó ag feirmeoirí, ní mór d’fheirmeoirí cleachtais inbhuanaithe mhalartacha a ghlacadh chun dramhaíl ghlas talmhaíochta a bhainistiú.     Chun comhairle a fháil maidir leis na cleachtais seo, íoslódáil an Treoir seo a leanas: