Déan athrú

Cosc ar Dhramhaíl 

Tá a fhios againn go léir go bhfuil drochthionchar ag baint le barraíocht dramhaíola a tháirgeadh don chomhshaol ach mar dhaoine aonair, cad is féidir linn a dhéanamh chun iarracht a dhéanamh tionchar comhshaoil ár ngníomhaíochtaí laethúla a laghdú? Is é an rogha is fearr ná iarracht a dhéanamh cosc a chur ar dhramhaíl nuair is féidir. Bíonn tionchar dearfach ag baint le dramhaíl a chosc sula gcruthaítear í – tar éis an tsaoil, mura gcruthaíonn tú dramhaíl, ní gá duit í a dhiúscairt.

Cosc ar Chur Amú Bia sa Bhaile

Is fadhb mhór í an cur amú bia agus cosnaíonn sí €700 ar an meán do theaghlaigh na hÉireann gach bliain. Féadfaidh sé seo a bheith i bhfad níos airde i gcásanna áirithe. Ní mór dúinn uile ár gcion féin a dhéanamh chun méid na dramhaíola bia a laghdú 
ginte trí bheith níos feasaí ar a bhfuil á chur inár mboscaí bruscair againn. In Éirinn déantar breis is milliún tonna de dhramhaíl bia a dhiúscairt gach bliain. Tagann thart ar aon trian de seo ó theaghlaigh agus ciallaíonn sé sin go bhfuil gach duine ag caitheamh amach thart ar 80kg de dhramhaíl bia gach bliain sa bhaile. 

Múiríniú sa Bhaile

Déanann múirín dramhaíl orgánach amhail málaí tae, torthaí, craicne glasraí agus dramhaíl gairdín a thiontú ina tháirge luachmhar don ghairdín agus is féidir leis an méid dramhaíola tí a sheolann tú chuig líonadh talún a laghdú suas le 33%. 

Caomhnú Fuinnimh sa Bhaile

Is féidir leat 20% nó níos mó a shábháil i gcostais fuinnimh trí bheith tíosach ar fhuinneamh sa bhaile. Is é an chéad chéim i mbainistiú fuinnimh do theaghlaigh ná a fháil amach cé mhéad a chaitheann tú. Ós rud é go n-athraíonn sé seo ó mhí go mí, ba cheart monatóireacht a dhéanamh ar thomhaltas fuinnimh go bliantúil trí úsáid a bhaint as do bhillí fuinnimh.

Caomhnú Uisce sa Bhaile

De réir mar a fhásann ár ndaonra, méadaíonn an t-éileamh ar ár n-acmhainní uisce freisin. Más mian linn go léir taitneamh a bhaint as ár dtaiscí luachmhara ní mór dúinn a bheith níos feasaí ar chaomhnú uisce.

Dramhaíl Ghuaiseach Tí

Úsáideann go leor againn táirgí dramhaíola guaiseacha tí go rialta inár dtithe – úsáidimid iad chun glanadh leo, chun ár ngairdíní a choinneáil saor ó lotnaidí, chun ár ngluaisteáin a choinneáil dea-chothabháilte, chun ár dtithe a chothabháil agus a mhaisiú agus inár ngrúmaeireacht agus sláinteachas pearsanta chomh maith. I measc samplaí coitianta de dhramhaíl ghuaiseach tí tá péinteanna ola-bhunaithe, roinnt lotnaidicídí agus feithidicídí, roinnt táirgí glantacháin, earraí ina bhfuil tuarthóir agus aerasóil. Beidh siombail ghuaiseach nó téacs aitheantais ar gach táirge dramhaíola guaisí tí agus mura stóráiltear na táirgí i gceart, mura n-úsáidtear iad i gceart agus mura ndiúscraítear iad i gceart, is féidir leo a bheith ina mbaol dár sláinte nó dár dtimpeallacht. Ba chóir na táirgí seo a úsáid go coigilteach i gcomhréir leis na treoirlínte atá leagtha amach ar an bpacáistíocht. Nó is féidir táirgí amhail fínéagar, líomóidí, sóid aráin agus criostail shóide a úsáid chun torthaí iontacha a fháil!

Táirgí Glantacháin Níos Glaise

Tá táirgí glantacháin riachtanach chun ár dtithe agus ár n-ionaid oibre a choinneáil ag breathnú go maith agus chun fanacht sláintiúil. Cuidíonn siad le deannach, ailléirginí agus frídíní a bhaint, rud atá tábhachtach do thimpeallacht shláintiúil faoi dhíon. Mar sin féin, is féidir leo rioscaí sláinte agus comhshaoil a chruthú toisc go bhfuil ceimiceáin iontu. Cén fáth nach n-úsáidfeá roinnt roghanna nádúrtha a dhéanann an jab chomh maith céanna agus a shábhálann do chuid airgid.

Bainistiú Dramhaíola san Ionad Oibre

Is féidir coigilteas suntasach a dhéanamh trína chinntiú go ndéantar dramhaíl a bhainistiú i gceart i ngnó. Tá sé tábhachtach an méid agus an cineál dramhaíola a tháirgeann tú a aithint. Nuair a dhéantar é sin, tá sé in am ansin breathnú ar do dhramhaíl agus féachaint cad is féidir a chosc. Ba chóir gach ábhar atá oiriúnach le haghaidh athchúrsála a dheighilt ag an bhfoinse agus a chur i málaí nó a chomhdhlúthú agus a stóráil i gceart.

Cosc ar Chur Amú Bia san Ionad Oibre

Tá na Rialacháin um Dhramhaíl Bia (IR 508 de 2009) i bhfeidhm in Éirinn ó 1 Iúil 2010. Ceanglaítear leis na Rialacháin ar an earnáil tráchtála dramhaíl bia a dheighilt agus é a chur i mbosca tiomnaithe agus a chinntiú nach measctar é le dramhaíl eile. Ní mór do bhailitheoir údaraithe an dramhaíl bia a bhailiú agus déileáil leis trí mhúiríniú nó trí phróiseas athchúrsála ceadaithe eile. Nó is féidir le gnólachtaí an dramhaíl bia a iompar go díreach chuig gléasra múirínithe nó is féidir leo é a chóireáil iad féin trí aonad múirínithe a shuiteáil ar an áitreabh ina ngintear an dramhaíl. Éilítear ceadúnas don ghníomhaíocht ar an láthair seo.  

Bainistíocht Fuinnimh san Ionad Oibre

I gcúrsaí gnó, is é úsáid leictreachais, ola agus gáis a bheidh i gceist le do chaiteachas iomlán fuinnimh i gcoitinne. Ag brath ar an gcineál gnó, beidh éagsúlachtaí idir na foinsí fuinnimh seo. Is féidir monatóireacht agus bainistíocht leictreachais, ola agus gáis ar an láthair a bhaint amach go héasca, a luaithe a bhíonn a fhios agat conas é a dhéanamh. Ba cheart duit iarracht a dhéanamh monatóireacht a dhéanamh ar úsáid trí léamha méadair a ghlacadh go rialta, úsáid a chur i gcomparáid le táirgeadh nó láimhdeachas agus sonraisc a mhonatóiriú trí shonraí a ionchur ar bhileog sonraí. Maidir le leictreachas, mar shampla, ceann de na bealaí is fusa chun do chostas leictreachais a laghdú ná a chinntiú go bhfuil tú ar an taraif cheart. Más mian leat do chostais chomhshaoil a laghdú, ní mór duit gníomhú i roinnt réimsí éagsúla, agus cuimhnigh gur cheart go mbeadh difríocht mhór ann trí éifeachtúlacht trealaimh a fheabhsú, bainistíocht tí a fheabhsú agus fadhbanna le cuisniú a réiteach.  

Caomhnú Uisce san Ionad Oibre

Chun uisce agus airgead a chaomhnú ní mór duit clár caomhnaithe uisce a chur i bhfeidhm i do ghnó atá dírithe ar na príomhréimsí ina n-úsáidtear uisce. Ag brath ar do ghnó, d’fhéadfadh sé seo réimsí amhail próiseáil, deilithe, cistiní agus leithris a áireamh.