CUR SÍOS AR AN SCÉIM
Cuireann an scéim bheartaithe áis chomhroinnte dhá bhealach do rothaithe agus do choisithe ar fáil chun ceangal le háis atá ann cheana féin i sráidbhaile Bhaile an Doirín. Is éard atá ann ná raon rothar 760m ar fad, 3.0m ar leithead in aice leis an gcarrbhealach ó dheas ar an N67. Ceanglóidh sé leis an gcosán atá ann cheana féin ag an ionad seirbhísí, áit a suiteálfar crosaire nua rialaithe do choisithe agus do rothaithe freisin.
Áirítear leis an moladh freisin cuid bheag de lána rotha aontreo, 2.0m ar leithead, idir an cosán agus an carrbhealach ó thuaidh feadh thart ar 30m. Mar thoradh ar an gcrosaire rialaithe nua atá suite ag pointe críochnaithe an lána rotha nua, bainfear an crosaire neamhrialaithe atá ann cheana féin ag an ionad seirbhísí.
CUSPÓIRÍ NA SCÉIME
- An baol imbhuailtí idir úsáideoirí bóithre leochaileacha agus feithiclí, go háirithe ag deireadh na saoráide rothaíochta agus coisithe comhroinnte atá ann cheana féin ó dheas den sráidbhaile, a laghdú.
- Nascacht le háiseanna laistigh de shráidbhaile Bhaile an Doirín, lena n-áirítear an siopa áitiúil, an tsaoráid cúraim leanaí, an séipéal, an bhunscoil, etc. a fheabhsú d’úsáideoirí bóithre leochaileacha sa cheantar.
- Inrochtaineacht siúil agus rothaíochta d’úsáideoirí de gach aois agus cumas a fheabhsú.
CEAD PLEANÁLA
Rinne Comhairle Chontae na Gaillimhe iarratas faoi Chuid 8 de na Rialacháin um Pleanáil agus Forbairt 2001 (arna leasú) ar an 8 Nollaig 2023 don Rotharbhealach N67 ó Dheas Bhaile an Doirín, Contae na Gaillimhe, i gcomhréir le Cuid 11 den Acht um Pleanáil agus Forbairt 2000 (arna leasú).
Ceadaíodh cead forbartha ar an 08/04/2024 ag Cruinniú Míosúil Cheantar Bardasach Bhaile Locha Riach.
ORDÚ CEANNAIGH ÉIGEANTAIGH
Ordú Ceannaigh Éigeantaigh Chomhairle Chontae na Gaillimhe Uimh.1 2025
(Bonneagar Fisiciúil, Seirbhísí Dóiteáin agus Éigeandála agus Gníomhú ar Son na hAeráide)
do Rotharbhealach N67 ó Dheas Bhaile an Doirín.
Tá ordú dar teideal thuas déanta ag Comhairle Chontae na Gaillimhe (dá ngairtear “an t-údarás áitiúil” anseo feasta), i bhfeidhmiú na gcumhachtaí a thugtar dóibh le hAlt 76 d’Acht na dTithe, 1966, agus an Tríú Sceideal a ghabhann leis, arna leathnú le hAlt 10 den Acht Rialtais Áitiúil (Uimh. 2), 1960, arna ionadú le hAlt 86 d’Acht na dTithe, 1966, arna leasú le hAlt 6 agus an Dara Sceideal a ghabhann le hAcht na mBóithre, 1993, agus arna leasú leis an Acht um Pleanáil agus Forbairt, 2000, atá ar tí a chur faoi bhráid an Bhoird Phleanála lena dhaingniú.
Má dhaingnítear é, údaróidh an t-ordú don údarás áitiúil an talamh a thuairiscítear sa Chéad Sceideal a ghabhann leis seo a fháil go héigeantach chun críocha thógáil Rotharbhealach an N67 ó Dheas de Bhaile an Doirín agus na hoibreacha coimhdeacha agus iarmhartacha go léir, lena n-áirítear soláthar struchtúr, cosán bóthair, marcanna bóthair, oibreacha rochtana agus cóiríochta, agus oibreacha coimhdeacha eile, sna bailte fearainn seo a leanas:
- An Pollach (ID: 63552)
- An Gort Rua (ID: 62240)
- Baile an Doirín (ID: 60200)
Ordú Daingniúcháin OCÉ Rotharbhealach an N67 ó Dheas Bhaile an Doirín (PDF,27.87KB)
Ordú Ceannaigh Éigeantaigh agus Sceideal.pdf (PDF,756.9KB)