Nascacht Dhigiteach- Ag Dul Ar Líne

Nascacht Dhigiteach

Tá soláthar bonneagair ardchaighdeáin ina bhonn taca faoi beagnach gach earnáil den eacnamaíocht nua-aimseartha nuálach, agus deimhníonn sé go bhféadfaidh muintir an phobail agus gnó tairbhe a bhaint as idirlíon na n-earraí (InE), teicneolaíochtaí idir meaisíní, néalríomhaireacht agus olltiomsú sonraí.

Tá dhá phríomhchuspóir leis an Straitéis um Nascacht Dhigiteach ó Rialtas na hÉireann (Nollaig 2022):

1. Faoi 2028, beidh rochtain ag gach teach agus gnó ar líonra Gigighiotáin.
2. Faoi 2030, beidh clúdach 5G ag gach ceantar a bhfuil dlús daonra ann.

In Aibreán 2024 shínigh comhreachtóirí AE an tAcht um Bonneagar Gigighiotáin (ABG) chun tacú le soláthar cuspóirí nascacht dhigiteach deich mbliana ón AE, lena ndeimhnítear go gclúdóidh líonra gigighiotáin fosaithe d’inniúlacht an-ard (1 Gbps) gach teaghlach san AE agus go mbeidh 5G ag gach ceantar a bhfuil dlús daonra ann faoi 2030.

Plean Náisiúnta Leathanbhanda:

Tá idirlíon ardluais do chách tábhachtach do shochaí dhigiteach chuimsitheach. Tá Comhairle Chontae na Gaillimhe ag cabhrú leis seo a bhaint amach i gContae na Gaillimhe trí thograí éagsúla, amhail an Plean Leathanbhanda Náisiúnta (PLN). Is é mar aidhm ag an PLN rochtain ar leathanbhanda ardluais a sholáthar do gach teach, scoil agus gnó in Éirinn, ceantair iargúlta san áireamh. Baintear é sin amach trí infheistíochtaí príobháideacha agus tacaíocht an rialtais.

Tá Leathanbhanda Náisiúnta Éireann (NBI) roghnaithe ag an Roinn Cultúir, Cumarsáide agus Spóirt) chun an líonra Idirghabhála Stáit a thógáil, a chothú, agus a oibriú don chéad 25 bliana eile. Soláthrófar leis an PLN leathanbhanda snáithín ardluais de bhreis is 544,000 réadmhaoin in Éirinn, 39,434 acu siúd i gContae na Gaillimhe, le hinfheistíocht €153 milliún i gcontae na Gaillimhe.

Soláthraíonn LNÉ eolas maidir lena bpleananna seirbhíse ar a suíomh gréasáin. Is féidir leat breathnú ar cén uair a mbeidh seirbhísí ar fáil i do cheantar ag baint úsáide as d'Eircode agus do sheoladh ríomhphoist. Is féidir breathnú ar shuíomh gréasáin LNÉ tríd an nasc seo.

Spreagann an PLN infheistíocht trádála sa leathanbhanda trí bheartas agus rialacháin chomh maith. D’infheistigh comhlachtaí teileachumarsáide go suntasach i gContae na Gaillimhe dá bharr, ag soláthar leathanbhanda snáithín nua do cheantair thuaithe agus uirbeacha araon.

Ról Chomhairle Chontae na Gaillimhe

Tá idirlíon ardluais do chách tábhachtach do shochaí dhigiteach chuimsitheach. Tá Comhairle Chontae na Gaillimhe ag cabhrú leis seo a bhaint amach i gContae na Gaillimhe trí thograí éagsúla, amhail an Plean Leathanbhanda Náisiúnta (PLN).

Is é mar aidhm ag an PLN rochtain ar leathanbhanda ardluais a sholáthar do gach teach, scoil agus gnó in Éirinn, ceantair iargúlta san áireamh. Baintear é sin amach trí infheistíochtaí príobháideacha agus tacaíocht an rialtais.

Oifigeach Leathanbhanda

Tá Oifigeach Leathanbhanda lán-aimseartha ag Comhairle Chontae na Gaillimhe a oibríonn le comhlachtaí teileachumarsáide chun seirbhísí a fheabhsú sa chontae.