Conarthaí a dámhadh os cionn €25k.
Athraíonn an próiseas soláthair bunaithe ar luach an chonartha, ag éirí níos foirmiúla agus níos mionsonraithe de réir mar a ardaíonn tairseacha ó leibhéal áitiúil go leibhéal náisiúnta agus leibhéal an AE.
Tá ról comhordaithe ag an Rannán Soláthair sa Rannóg Airgeadais chun a chinntiú go mbíonn fócas eagraíochtúil ar dhea-chleachtas i bhfeidhm maidir le soláthar agus nósanna imeachta, go gcinnteofar luach ar airgead agus ardchaighdeán oscailteachta, trédhearcachta agus comhlíontacha le gach treoirlíne agus reachtaíocht maidir le soláthar poiblí.
Tá Plean Corparáideach Soláthair 2020-2022 ag an gComhairle chun deiseanna le haghaidh comhoibrithe agus rannpháirtíochta réamhghníomhaí i dtionscnaimh soláthair phoiblí a aithint, lena n-áirítear Conarthaí Náisiúnta agus Réigiúnacha a úsáid.
Ceisteanna Coitianta
Cá háit is féidir liom teacht ar Chonarthaí a Dámhadh le Déanaí?
Cá háit is féidir liom teacht ar Chonarthaí a Dámhadh le Déanaí?
Foilsítear conarthaí a dámhadh de luach os cionn €10k ar TFC agus de luach os cionn €25k ar Chonarthaí eile ar www.etenders.gov.ie agus http://ted.europa.eu
Conas a fhéadfaidh mé gnó a thionscnamh le Comhairle Chontae na Gaillimhe?
Cláraigh go cuí le www.eTenders.gov.ie agus www.SupplyGov.ie; agus ansin gheobhaidh tú fógra nuair a fhógrófar tairiscintí.
Cá bhfógraíonn Comhairle Chontae na Gaillimhe a tairiscintí?
Go príomha ar eTenders (www.etenders.gov.ie)
Is riachtanas rialtais é nach mór caiteachas comhiomlán na heagraíochta atá os cionn €50,000 ar earraí agus seirbhísí; os cionn €200,000 ar oibreacha; agus os cionn €10,000 ar TFC a fhógairt ar eTenders. Más ionann an caiteachas agus €221,000 ar earraí agus ar sheirbhísí; €5,538,000 ar oibreacha, déantar iad a fhógairt san IOAE (Iris Oifigiúil an Aontais Eorpaigh) trí eTenders.
Glacann Comhairle Chontae na Gaillimhe páirt i socruithe soláthair ar leibhéal náisiúnta a fhógraítear iad ar eTenders ag;
- An Oifig um Sholáthar Rialtais (OSR)
- SupplyGov faoi choimirce Chomhairle Chontae Chiarraí agus socruithe réigiúnacha
Mar sin, chun a fháil amach cad atá Comhairle Chontae na Gaillimhe ag tairiscint, tá sé tábhachtach go gcláródh soláthraithe go cuí le www.etenders.gov.ie agus www.supplygov.ie
Cén chaoi a bhféadfaidh mé clárú do eTenders?
Téigh go dtí an táb ‘Clárú Cuideachta Soláthraithe’ síos ar an taobh clé den leathanach baile www.etenders.gov.ie agus lean na treoracha.
Ní mór duit na cóid aicmithe go léir a bhfuil suim ag do chuideachta iontu a roghnú, ionas go bhfaighidh tú fógra faoi thairiscintí ábhartha nuair a dhéanfar iad á fhógairt.
Má theastaíonn cúnamh uait clárú, déan teagmháil le deasc chabhrach eTenders ag etenders@eu-supply.com Teil: 0818 001459 (Éire) nó +353 818001459 (Idirnáisiúnta)
Cén chaoi a bhféadfaidh mé clárú do Supplygov?
Córas soláthair é SupplyGov a éascaíonn do na hÚdaráis Áitiúla agus gníomhaireachtaí stáit eile mionthairiscintí a reáchtáil (ó chreataí a fógraíodh cheana ar eTenders). Déileálann sé go príomha le catagóirí a bhaineann le Gléasra ar Cíos; Mionoibreacha Tógála agus Sibhialta agus le hoiliúint ghaolmhar.
Tá dhá chuid ar SupplyGov.ie:
1) Iarrataí ar Thairiscintí (RFTanna) - Is mionchomórtais iad Iarrataí ar Thairiscintí a reáchtáiltear faoi Chreataí agus
2) Iarrataí ar Luachanna (RFQanna) tá siad seo ar chaiteachas comhiomlán faoi bhun €50,000
Is féidir le soláthraithe clárú ag www.supplygov.ie agus na seicliostaí agus na cáipéisí riachtanacha a chomhlánú. Foilsítear gach creat nua mar fhógra conartha ar eTenders, Tairseach Rialtas na hÉireann. Tá sé ríthábhachtach go bhfuil tú cláraithe ar eTenders más mian leat fógra a fháil faoi chreataí ábhartha a bhaineann le Gléasra ar Cíos; Mionoibreacha Tógála agus Sibhialta agus le hoiliúint ghaolmhar. Ní féidir leat a bheith páirteach i gcreat atá ann faoi láthair go dtí go ndéanfar an creat a athfhógairt.
Má theastaíonn cúnamh uait chun clárú mar sholáthraí le Supplygov.ie, cabhróidh Foireann na Deisce Cabhraí um Sheirbhís do Chustaiméirí. Teileafón: 066 718 3734. Ríomhphost: eproc@kerrycoco.ie
Cá bhfaighidh mé liostú de na socruithe soláthair náisiúnta OSR atá ann?
Má úsáideann tú an chuid soláthraí den leathanach baile ag www.procurement.ie is féidir leat socruithe soláthair náisiúnta OSR atá ann cheana a chuardach sna catagóirí agus sna hearnálacha éagsúla.
Cá bhfaighidh mé liostáil de na creataí SupplyGov reatha?
Faoin dtáb 'Téarmaí agus Coinníollacha' ag www.supplygov.ie
Conas a luaim do ghnó faoin tairseach de €50k ar eTenders?
I gcomhlíonadh na gceanglas náisiúnta, tá Comhairle Chontae na Gaillimhe ag glacadh páirte i socruithe náisiúnta soláthair de réir mar a thagann siad chun cinn. Táimid ag forbairt ár gcreataí féin freisin nuair is gá. Beidh níos lú agus níos lú socruithe luachanna aonuaire ann de réir mar a leanfar le rolladh amach na gcreataí. De réir a chéile, tiocfaidh córais fógartha in ionad aon phainéil atá ann cheana nó aon socruithe eile. Fógrófar na socruithe seo ar eTenders. Agus mar mheabhrúchán eile, is cuma cén earraí nó seirbhísí a sholáthraíonn tú, gheobhaidh tú fógra má tá tú cláraithe ar eTenders leis na cóid go léir a chuir tú in iúl más mian leat go gcuirfí ar an eolas tú.
Maidir leis na hearraí agus na seirbhísí sin a úsáideann an eagraíocht ó am go chéile agus a thagann faoin tairseach:
Cláraigh ar SupplyGov - iarratais ar luachana (RFQanna) le haghaidh caiteachais chomhiomláin faoi bhun €50,000.
Cén t-earra agus seirbhísí a fhéadfaidh mé a chlárú d’fhonn iad a sholáthar faoi Luachan ar Supplygov?
D’fhonn a fháil amach cad iad na catagóirí atá ann nó a d’fhéadfaí a fhorbairt maidir leis an réimse Luachana de SupplyGov, déan teagmháil leis an Deasc Chabhrach um Sheirbhís do Chustaiméirí. Guthán: 066 718 3734. ríomhphost: eproc@kerrycoco.ie
Déan Teagmháil Linn
Address
An Rannán Soláthair, An Rannóg Airgeadais
Áras an Chontae
Cnoc na Radharc
Co. Galway
H91 H6KX
Email and urls
Phone numbers
Phone