Cuntais iníoctha

Ordú agus Sonrascadh

Ba chóir do sholáthraithe Ordú Ceannaigh bailí a fháil ón mball foirne ábhartha nuair a chuireann siad isteach ordú dá n-earraí nó dá seirbhísí. Ní mór an uimhir seo a lua ar gach sonrasc a thagraíonn don ordú seo. Is  9 uimhir digit is ea an uimhir ordaithe dar tús 4 nó 2.

Ba cheart gach sonrasc bailí a chur ar aghaidh go díreach chuig:

Rannóg na gCuntas Iníoctha
Comhairle Chontae na Gaillimhe
Cnoc na Radharc
Gaillimh

Seolfar aon sonrasc a fhaightear gan uimhir ordaithe bhailí ar ais láithreach trí Chuntais Iníoctha chuig an soláthraí.

Cáin Conarthaí Iomchuí

Córas Cánach Iarchoimeádta is ea Cáin Conarthaí Iomchuí (CCI) a bhfuil feidhm aici maidir le híocaíochtaí arna ndéanamh ag príomhchonraitheoir le fochonraitheoir faoi chonradh iomchuí i.e. conradh chun oibríochtaí ábhartha a dhéanamh, nó chun oibrithe a sholáthar chun iad a dhéanamh, i.e. oibríochtaí Foirgníochta, oibríochtaí foraoiseachta, oibríochtaí próiseála feola, laistigh den Stát.

Ón 1 Eanáir 2014, nuair a fhostaíonn an príomhaí fochonraitheoir ar chonarthaí éagsúla, beidh ar an bpríomhaí gach conradh a chur in iúl ar leithligh, ach amháin sa chás gur féidir a mheas gur conradh leanúnach é an conradh.

Córas CCI - Ceisteanna Coitianta (CCanna) do Phríomhchonraitheoirí

Chun tuilleadh eolais a fháil, féach ar ár gCeisteanna Coitianta maidir le Conarthaí Iomchuí.

Cáin Conarthaí Iomchuí – UAS a thabhairt isteach – Nollaig 2015

Le héifeacht ó mhí na Nollag 2015, tá sé de cheanglas ag na Coimisinéirí Ioncaim, nuair a thugaimid fógra dóibh faoi Chonradh, go gcaithfimid an Suíomh/Ainm an Tionscadail agus an seoladh a chur san áireamh do gach post/obair/conradh aonair laistigh den Chontae. Ansin soláthróidh na Coimisinéirí Ioncaim Uimhir Aitheantóra Suímh (UAS) don láithreán.

Imréiteach Cánach

Ní mór do gach cuideachta a dhéanann gnó le hÚdarás Áitiúil Deimhniú Imréitigh Cánach bailí a bheith acu in ainm a gcuideachta i.e. an t-ainm atá le feiceáil ar a sonraisc. Tá an méid sin de réir Alt 177 den Acht Airgeadais 1995 arna leasú leis an Acht Comhdhlúite Cánacha 1997.

Má shroicheann iomlán na n-íocaíochtaí an tairseach €10,000 laistigh de thréimhse rollach 12 mhí, ní féidir íocaíochtaí a dhéanamh go dtí go bhfaightear Deimhniú Imréitigh Cánach bailí.

Ní mór an Deimhniú bunaidh a chur isteach chuig oifig Iníoctha na gCuntas, nó, má úsáideann tú Seirbhís ar Líne na gCoimisinéirí Ioncaim, teastaíonn d'Uimhir Chlárúcháin agus d'Uimhir Fógra. Is féidir é seo a fháil ag barr na láimhe clé de do Dheimhniú agus is féidir le Cuntais Iníoctha na sonraí a dheimhniú ar líne.

Mura bhfuil Deimhniú Imréitigh Cánach reatha agat, is féidir foirm iarratais a fháil ag www.revenue.ie.