Tionscadal Interreg SLOWDOWN

SLOWDOWN

Tionscadal Eorpach is ea SLOWDOWN atá dírithe ar mhallturasóireacht a chur chun cinn, cur chuige inbhuanaithe agus saibhriúcháin a chothaíonn ceangal níos dlúithe le cinn scríbe, a gcultúir agus pobail áitiúla. Is é an príomhchuspóir atá léi ná beartais réigiúnacha a fheabhsú chun tacú le mallturasóireacht agus í a fhorbairt, rud a chuireann le fás eacnamaíochta agus a chothaíonn turasóireacht níos freagraí ar fud na hEorpa. 

<drupal-media data-entity-type="media" data-entity-uuid="f67f6d54-cbfc-4461-8c61-4e6f2ae5d19f" data-view-mode="full" data-align="right"> </drupal-media>

Tá ról mór ag an turasóireacht in eacnamaíocht na hEorpa. In ainneoin a shuntasaí is atá sé, bhí roinnt dúshlán roimh fhorbairt turasóireachta: 

• Chruthaigh róthurasóireacht fadhbanna comhshaoil agus sóisialta i réigiúin áirithe.
• Bíonn deacrachtaí ag réigiúin eile leas iomlán a bhaint as a n-acmhainneacht turasóireachta. 

Conas a bhainfear amach é?

• Foghlaim agus malartú: Rachaidh comhpháirtíochtaí i mbun foghlaim idir-réigiúnach agus inréigiúnach chun creataí beartais a fheabhsú.
• Rannpháirtíocht Páirtithe Leasmhara: Déanfar teagmháil le Páirtithe Leasmhara ábhartha, chun léargais riachtanacha a fháil ar fheabhsuithe beartais.
• Forbairt Acmhainneachta: Feabhsóidh an tionscadal seo acmhainneachtaí na n-institiúidí comhpháirteacha chun tacú le mallturasóireacht ar bhealach níos fearr.

Mar thoradh ar na hathruithe seo beidh samhail turasóireachta ann atá níos cothromaithe, níos inbhuanaithe is a rachaidh chun sochair do dhaoine agus don chomhshaol.

Cé atá bainteach leis?

Is comhpháirtithe iad Comhairle Chontae na Gaillimhe le Campas Nuálaithe BIA i mBaile Átha an Rí ar thionscadal SLOWDOWN. Tá 9 gcomhpháirtí ann san iomlán ó 8 dtír AE:

• An Ghrúpáil Eorpach um chomhar críochach, an Ungáir
• Delta 200 Agency, an Iodáil
• Comhairle Contae Sibiu, an Rómáin
• Comhphobal Féinrialaitheach Murcia, An Spáinn
• Amiens Metropole, An Fhrainc
• Réigiún Pleanála Ríge, Laitvia
• Ollscoil Oirthear na Fionlainne
• Comhairle Chontae na Gaillimhe, Éire
• Campas Nuálaithe BIA

Céard a athróidh an tionscadal seo?

Brúfaidh tionscadal SLOWDOWN athruithe dearfacha chun cinn trí thurasóireacht inbhuanaithe a chur chun cinn, rud a rachaidh chun sochair don chomhshaol, do phobail áitiúla agus do thurasóirí ar an gcaoi chéanna. Déanfaidh sé:

• Róthurasóireacht a laghdú agus laghdóidh sé a tionchar ar an gcomhshaol
• Beartais réigiúnacha a fheabhsú chun tacaíocht níos fearr a thabhairt do thurasóireacht inbhuanaithe
• Acmhainneacht eagrúcháin a fheabhsú trí chomhoibriú agus trí fhoghlaim
• Borradh a chur faoi gheilleagair áitiúla trí dheiseanna a chruthú do ghnólachtaí agus pobail bheaga
• Agus cuirfidh sé eispéiris níos fiúntaí, níos tumtha ar fáil do thurasóirí rud a spreagfaidh taisteal freagrach