Seirbhís Chomhroinnte Sábháilteachta Uisce Chontae agus Chathair na Gaillimhe

Seirbhísí Sábháilteachta Uisce agus Gardaí Tarrthála i nGaillimh

Tá cósta suntasach ag Contae na Gaillimhe agus tá go leor limistéar snámha cois locha agus cósta de réir chaighdeán Bratach Ghorm an Aontais ann.

Cuireann Comhairle Chontae na Gaillimhe sábháilteacht uisce chun cinn trína rannpháirtíocht i gCoiste an Chontae um Shábháilteacht Uisce agus trí Ghardaí Tarrthála a sholáthar do roinnt tránna agus limistéir snámha lasmuigh i rith an tséasúir ó mí an Mheithimh go dtí mí Mheán Fómhair.

Riarann Comhairle Chontae na Gaillimhe Seirbhísí Garda Tarrthála thar ceann Chomhairle Chontae na Gaillimhe agus Chomhairle Cathrach na Gaillimhe araon. Tá an tseirbhís maoinithe ag an dá Chomhairle. Gach bliain, cuirtear painéal Gardaí Tarrthála ardcháilithe le chéile.

Cuireann beirt Ghardaí Tarrthála ar a laghad seirbhísí ar fáil ag Limistéir Snámha Ainmnithe i gcomhréir leis na caighdeáin atá leagtha amach ag Cónaidhm Idirnáisiúnta Tarrthála na hEorpa (ILSE).

I gCathair agus i gContae na Gaillimhe, tá ceithre thrá déag agus dhá loch ann ina bhfostaítear Gardaí Tarrthála i rith shéasúr an tsamhraidh. Sanntar Gardaí Tarrthála ar thránna uile na Brataí Goirme.

Caighdeáin na mBratach

• Bronntar Bratacha Gorma ar limistéir snámha a chomhlíonann caighdeáin den scoth maidir le cáilíocht uisce agus a chuireann áiseanna éagsúla ar fáil, lena n-áirítear gardaí tarrthála agus áiseanna leithris.

• Bronntar Bratacha an Chósta Ghlais ar limistéir snámha tuaithe a chomhlíonann caighdeáin cháilíochta uisce den scoth agus a dhéanann an t-údarás áitiúil iad a bhainistiú i gcomhpháirtíocht le grúpaí áitiúla um Chóstaí Glana.

  Tá tuilleadh eolais faoi Thránna na Brataí Goirme agus faoi Ghradaim an Chósta Ghlais agus faoi cháilíocht uisce snámha i gContae na Gaillimhe ar fáil ag http://www.bathingwater.ie

Bratacha Rabhaidh Trá

Bíonn bratacha rabhaidh trá ar foluain ag tránna atá faoi chosaint agus na Gardaí Tarrthála ar dualgas.

Áirítear leis na Bratacha Rabhaidh:

• Bratach Dearg: Contúirteach le haghaidh snámha.
• Bratach Dearg/Buí: Gardaí tarrthála ar dualgas.
• Gan aon Bhratach: Níl aon gardaí tarrthála ar dualgas.

Sruthanna Cuilitheála

Is sruthanna láidre iad sruthanna cuilitheála a ritheann amach chun na farraige, agus is féidir leo daoine agus smionagar a tharraingt go tapa ó uiscí éadoimhne an chladaigh agus amach go dtí uisce níos doimhne.

Conas Sruthanna Cuilitheála a Aithint

Coinnigh súil amach le haghaidh aon cheann de na leideanna seo:

• Cainéal uisce scaobach atá ag suaitheadh.
• Áit a bhfuil difríocht shuntasach i ndath an uisce ann.
• Líne cúir, feamainne, nó smionagair ag bogadh go seasta i dtreo na farraige.
• Briseadh i bpatrún na dtonnta atá ag teacht isteach.
  D'fhéadfadh ceann amháin nó níos mó de na leideanna thuas a léiriú go bhfuil sruthanna cuilitheála ann, nó b'fhéidir nach mbeadh aon leideanna le feiceáil. Is minic nach mbíonn sruthanna cuilitheála inaitheanta go héasca nó go réidh ag an ngnáthchuairteoir trá. Ar mhaithe le do shábháilteacht, bí ar an eolas faoin nguais mhór seo sa chrios surfála. Is fusa na leideanna thuasluaite maidir le sruthanna cuilitheála a fheiceáil agus spéaclaí gréine polaraithe á gcaitheamh agat.

Tá tuilleadh eolais faoi Shruthanna Cuilitheála ar fáil ag an nasc seo a leanas: https://watersafety.ie/rip-currents/ 

Uimhreacha Éigeandála

Má fheiceann tú duine i dtrioblóid:

• Abair le Garda Tarrthála atá ar dualgas i gcónaí.
• Nó mura bhfuil tú in ann Garda Tarrthála a fheiceáil, CUIR GLAOCH AR 999 / 112 agus iarr ar an nGarda Cósta.

Snámh as Séasúr – Bíodh na Rioscaí ar Eolas agat

Tá buntáistí sláinte fisiciúla agus meabhrach araon ag baint le snámh in uisce oscailte dúinn uile, cé acu ar muir nó i lochanna agus in aibhneacha. Le linn na séasúir níos fuaire, bíonn rioscaí méadaithe ann maidir le tinneas a tharlaíonn de bharr uisce, mar gheall ar cháilíocht níos laige an uisce mar thoradh ar mhéadú báistí agus laghdú ar sholas UV lasmuigh den samhradh.

Is féidir tuilleadh eolais a fháil trí chliceáil ar an PDF thíos nó trí chuairt a thabhairt ar an nasc seo: https://www.beaches.ie/out-of-season-bathing-know-the-risks-infographic/

Leideanna maidir le Snámh Sábháilte

Moltar na leideanna seo a leanas chun fanacht sábháilte agus tú ag snámh i dTránna Chontae agus Chathair na Gaillimhe:

• Déan iarracht i gcónaí snámh ar thránna nó in áiteanna ina bhfuil gardaí tarrthála ar dualgas. Snámh le daoine eile, ná snámh i d'aonar riamh.
• Ná téigh ag snámh díreach tar éis rud a ithe.
• Ná snámh riamh sa dorchadas nó nuair a bhíonn tú te nó tuirseach.
• Ná téigh ag snámh in áiteanna aisteacha.
• Ná snámh amach riamh tar éis rudaí atá ag imeacht le sruth.
• Ná fan san uisce rófhada.
• Ná snámh amach san fharraige mhór.
• Snámh comhthreomhar leis an gcladach agus gar dó.
• Géill do na gardaí tarrthála agus snámh idir bratacha na ngardaí tarrthála.
• Ná húsáid bréagáin inséidte riamh.
• Tabhair aird ar chomharthaí ar an trá.
• Ná déan bulaíocht ar dhaoine eile riamh ná iallach a chur orthu dul i bhfiontar.
• Foghlaim conas trealamh a úsáid sula mbaineann tú triail as.
• Foghlaim tacaíocht bheatha bunúsach.
• Ní mór dóibh siúd a théann ag seoltóireacht nó a úsáideann árthaí uisce eile seaicéad tarrthála nó áis snámhachta a chaitheamh i gcónaí.

Is féidir leat tuilleadh eolais a fháil trí chur i láthair Powerpoint a chruthaigh ár nOifigeach um Shábháilteacht agus Forbairt Uisce ag an nasc seo a leanas: 

Reáchtálann Coiste Contae Sábháilteachta Uisce na hÉireann seachtainí sábháilteachta uisce ag suas le haon ionad déag sa samhradh lena n-áirítear Inis Mór, Inis Oírr agus Inis Meáin agus ag tránna Uachtar Ard, Chorr na Móna, na Ceathrún Rua, Phort Omna, Bhaile Locha Riach agus Bhóthar na Trá.

Bíonn cúrsaí ar siúl i Leisureland, Gaillimh ar maidin Dé Domhnaigh ó mhí Dheireadh Fómhair go mí an Mheithimh. Chun tuilleadh eolais a fháil faoi shábháilteacht uisce, tabhair cuairt ar Shábháilteacht Uisce na hÉireann http://www.iws.ie/.

Smugairle Róin

Is féidir le smugairle róin a bheith contúirteach ag láithreacha snámha. Éist i gcónaí le comhairle na ngardaí tarrthála ar an trá maidir le smugairle róin.

Chun tuilleadh eolais a fháil, tabhair cuairt ar leathanach Comhairle agus Réamhchúraimí Sábháilteachta Uisce na hÉireann ar https://watersafety.ie/recreation or cliceáil anseo. 

Seo a leanas roinnt smugairle róin a fhaightear go coitianta in uiscí na hÉireann:

Baoithe Tarrthála

Cuireann Comhairle Chontae na Gaillimhe Baoithe Tarrthála ar fáil ar fud Chontae na Gaillimhe agus déanann foireann na Comhairle iniúchadh agus monatóireacht rialta ar na Baoithe Tarrthála atá faoi úinéireacht na Comhairle Contae i ngach Ceantar Bardasach. 

Bíonn creimeadh cósta mar thoradh ar an drochaimsir feadh chósta an Atlantaigh ó am go ham agus cruthaítear an gá le baoithe tarrthála agus comharthaíocht faisnéise sábháilteachta a athsholáthar nuair is gá in áiteanna áirithe.  

Má tá aon tuairiscí ann faoi bhaoithe tarrthála, rópa, ceangaltáin etc. atá ar iarraidh nó a bhfuil damáiste déanta dóibh, déan an méid sin a thaifead ar www.watersafety.ie/ringbuoys

Tránna le Cathaoireacha Rothaí Trá

Tá cathaoireacha rothaí trá ar fáil lena n-úsáid ag an bpobal le toiliú an gharda tarrthála atá ar dualgas ag na tránna seo a leanas:

Suíomhanna Seirbhíse Tarrthála Trá - Limistéir Chomhairle Contae agus Cathrach na Gaillimhe 

Suíomhanna – Faoi réir comhaontaithe bhliantúil	Uaireanta Oibriúcháin na nGardaí Tarrthála – 11am-7pm Faoi réir comhaontú maidir leis an gClár Sábháilteachta Uisce agus na hacmhainní atá ar fáil	Líon na nGardaí Tarrthála
Cathair na Gaillimhe
1. An Charraig Dhubh Bóthar na Trá	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	3 Gharda tarrthála
2. Trá na mBan, Bóthar na Trá	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
3. Trá na gCeann (Bearna)	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
4. Palmers Bóthar na Trá	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
5. Grattan Bóthar na Trá	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
6. Baile an Locháin  An Rinn Mhór	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála

Suíomhanna – Faoi réir comhaontaithe bhliantúil	Uaireanta Oibriúcháin na nGardaí Tarrthála – 11am-7pm ar an mórthír Uaireanta Oileáin 12-4pm Faoi réir comhaontú maidir leis an gClár Sábháilteachta Uisce agus na hacmhainní atá ar fáil	Líon na nGardaí Tarrthála
Contae na Gaillimhe
7. Loch Riach	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
8. An Trá Mhór,  An Cnoc, Indreabhán	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
9. Trá an Dóilín, An Cheathrú Rua	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
10. Inis Oírr	12.00pm – 4.00pm Ag an deireadh seachtaine i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
11. Cill Mhuirbhigh,  Inis Mór	12.00pm – 4.00pm Ag an deireadh seachtaine i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
12. Port Omna	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
13.Tracht, Cinn Mhara	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtaine i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
14. Cloch na Rón	Deireadh seachtaine amháin i mí Iúil agus mí Lúnasa	2 Gharda tarrthála
15. Céibh an Spidéil,  An Spidéal	Ar oscailt 11.00am – 7.00pm Deireadh seachtaine amháin i mí an Mheithimh 7 lá sa tseachtain i mí Iúil agus mí Lúnasa Ag an deireadh seachtain i mí Mheán Fómhair, go dtí an dara deireadh seachtaine i mí Mheán Fómhair	2 Gharda tarrthála
16. Bóthar an Spidéil  An Spidéal	Deireadh seachtaine amháin i mí Iúil agus mí Lúnasa	2 Gharda tarrthála

Eolas Teagmhála

Áineas agus Conláistí (Seirbhísí Garda Tarrthála)
Seirbhísí Corparáideacha,
Comhairle Chontae na Gaillimhe,
Áras an Chontae, Cnoc na Radharc, Gaillimh, H91 H6KX

Guthán: (091) 509225
Ríomhphost: lifeguards@galwaycoco.ie