*Cuidigh chun todhchaí na fóillíochta faoin aer i gContae na Gaillimhe a mhúnlú*
Tá Comhairle Chontae na Gaillimhe ag cur fáilte roimh an bpobal a dtuairimí a chur in iúl maidir leis an gcéad Straitéis Fóillíochta faoin Aer de chuid an chontae.
Beidh sraith ceardlann comhairliúcháin ar siúl ar fud an chontae i rith mhí Lúnasa, rud a thabharfaidh deis do phobail, do ghrúpaí allamuigh, d’úinéirí talún agus do dhuine ar bith a bhfuil spéis acu i ngníomhaíochtaí ar nós spaisteoireacht, rothaíocht, rothaíocht sléibhe agus spóirt uisce a dtuairimí a roinnt.
Cabhróidh d’aiseolas tosaíochtaí a shainaithint maidir le háiseanna faoin aer a fheabhsú agus a fhorbairt ar fud Chontae na Gaillimhe thar na cúig bliana atá amach romhainn.
Ceardlanna comhairliúcháin:
- Teach Cúirte Uachtar Ard - Dé Luain 10 Lúnasa, 7pm
- Halla Pobail Bhaile Átha an Rí - Dé Máirt 11 Lúnasa, 2pm-4pm
- Harmony Hall, Tuaim - Dé Máirt 11 Lúnasa, 7pm
- Ionad Acmhainní Teaghlaigh agus Pobail Bhéal Átha na Sluaighe - Dé Céadaoin 12 Lúnasa, 2pm-4pm
- An Halla Measarthachta, Baile Locha Riach - Dé Céadaoin 12 Lúnasa, 7pm
Moltar do gach duine a bhfuil suim acu i ngníomhaíochtaí allamuigh a bheith i láthair agus cuidiú le todhchaí na fóillíochta i nGaillimh a mhúnlú.
I ndiaidh na himeachtaí comhairliúcháin phoiblí, cuirfear suirbhé ar líne ar fáil ar Galway.ie ón Luan 17 Lúnasa go dtí an Luan 31 Lúnasa. Leis an suirbhé, tabharfar an deis do dhaoine nach bhfuil in ann freastal ar na comhairliúcháin a dtuairimí a roinnt agus cabhrú le forbairt na straitéise a mhúnlú.
Le haghaidh tuilleadh eolais, seol ríomhphost chuig outdoorrecreation@galwaycoco.ie nó déan teagmháil le Comhairle Chontae na Gaillimhe ar 091 509540 / 091 509347.