icon_servSeirbhísí

Nuacht & Ócáidí

Nuacht & Ócáidí

Seandálaí Pobail na Gaillimhe

Bíonn réimse leathan ócáidí bunaithe ar an oidhreacht thógtha, nádúrtha agus chultúir ar fud an chontae gach bliain. Is é aidhm na n-ócáidí seo ná feasacht agus eolas faoi ghnéithe éagsúla dár n-oidhreacht a mhéadú. Tarlaíonn go leor ócáidí le linn na Seachtaine Náisiúnta Bithéagsúlachta, na Seachtaine Oidhreachta, Sheachtain Náisiúnta na gCrann agus Oíche Chultúir, gan ach cuid acu a lua. Bíonn an Oifig Oidhreachta gníomhach ag spreagadh iad siúd a eagraíonn a leithéid d’ócáidí eolas a chur ar aghaidh le go bhféadfar é a dháileadh trína liosta seachadta, suíomh idirlín agus na meáin shóisialta.

Mar gheall gur chuid de straitéis na hOifige Oidhreachta é feasacht oidhreachta a mhéadú, bíonn an Oifig ag iarraidh eolas faoi ócáidí oidhreachta, foilseacháin, fionnachtana nua, acmhainní etc, a scaipeadh.

Ciste Séadchomharthaí Pobail 2021

Iarratas le cur ar aghaidh faoin 12 Aibreán 2021

Fáilteoidh Comhairle Chontae na Gaillimhe i gcomhar le Seirbhís na Séadchomharthaí Náisiúnta, an Roinn Tithíochta, Rialtais Áitiúil agus Oidhreachta roimh iarratais ar Chiste Séadchomharthaí Pobail 2021. Cuirtear maoiniú ar fáil leis an scéim deontais chun séadchomharthaí seandálaíochta a chaomhnú, a chothabháil, a chosaint agus slacht a chur orthu.

Cuirfear caipiteal riachtanach ar fáil leis an gCiste Séadchomharthaí Pobail chun cuidiú le coimeádaithe séadchomharthaí seandálaíochta a chosaint ar mhaithe le pobail agus leis an bpobal i gcoitinne sa tráth romhainn amach. Tríd na tograí a mholfar déanfar

  • obair chaomhnaithe ar shéadchomharthaí a mheastar iad a bheith suntasach agus a bhfuil tacaíocht ar bhonn práinne de dhíth orthu, a éascú;
  • teacht ar shéadchomharthaí chomh maith le slacht a chur orthu a spreagadh;
  • séadchomharthaí na tíre a neartú chun go mbeidh siad in ann tionchar ón athrú aeráide a sheasamh.

Tá an Roinn ag moladh do lucht na dtograí gné oiliúna scileanna traidisiúnta a chur san áireamh.

Cé atá in ann Iarratas a Dhéanamh?

Is féidir le daoine aonair nó le grúpaí pobail, a bhfuil séadchomharthaí faoina n-úinéireacht nó atá ina gcoimeádaithe iarratas a dhéanamh.

(Is féidir le heagraíochtaí atá maoinithe ag an stát agus atá ag obair i réimse na hoidhreachta iarratas a dhéanamh go díreach chuig an Roinn Tithíochta, Rialtais Áitiúil agus Oidhreachta i ndáil le tograí lena mbaineann fócas ar leith oidhreachta agus atá chun tairbhe don phobal nó go poiblí.)

Is féidir suas le 100% de chostais na dtograí a mhaoiniú.

Le hIarratas a Dhéanamh

Ní mór d'úinéirí talún, do choimeádaithe agus do ghrúpaí pobail i gContae na Gaillimhe iarratais a chomhlánú agus a sheoladh ar aghaidh i bhFoirm Word chuig mmannion@galwaycoco.ie, agus úsáid a bhaint as an Ábhar Líne CMF2021(+Ainm an Togra), faoi Dé hAoine an 12 Aibreán 2021.

Is féidir tuilleadh eolais chomh maith le foirm iarratais CMF-A do dhaoine aonair agus do ghrúpaí pobail a íoslódáil thíos.

Is féidir nasc chuig seisiún eolais taifeadta faoi mhaoiniú do ghrúpaí pobail a fháil ANSEO. 

Is féidir eolas a fháil faoi mar is féidir Séadchomharthaí Taifeadta i do cheantarsa a aithint a fháil ag an nasc ANSEO

Chun tuilleadh eolais a fháil nó má tá aon cheist agat maidir le hiarratas déan teagmháil le

Marie Mannion, Oifigeach Oidhreachta, Comhairle Chontae na Gaillimhe   mmannion@galwaycoco.ie 087 908 8387

Bernie Doherty, Seandálaí Pobail na Gaillimhe       g.c.archaeology@gmail.com 086 1003888.

Foirm Iarratas CMF-A (Béarla)

Meabhrán Míniúcháin CMF2021 (Béarla)

‌

‌Tionscadal Bhailte Slachtmhara Fíorúla Chontae na Gaillimhe

Tá grúpaí Bailte Slachtmhara ar fud Chontae na Gaillimhe ag teacht le chéile go fíorúil fad atá siad ag fanacht slán sa bhaile ó Covid-19.
Coiste Bailte Slachtmhara Bhaile Liam a chur tús leis nuair a thosaigh siad grúpa Fíorúil Bailte Slachtmhara ar Facebook dá gceantar féin chun ardán a thabhairt do dhaoine a bhfuil ar bun acu a thaispeáint - is é sin nithe atá ar bun acu ina n-áit féin dá muintir, don phobal agus don timpeallacht agus chun oidhreacht áitiúil agus bithéagsúlacht a cheiliúradh. 
Fad atá gach duine ag fanacht sa bhaile agus ag fanacht óna chéile, tá daoine fós ag déanamh nithe go leor mar ag bearradh gairdíní (cuimhnigh áiteanna a fhágáil gan bearradh do phailneoirí), ag cur bláthanna is maith leis na beacha sa ghairdín, ag beathú na n-éan, an dramhaíl a chosc, a scagadh agus a laghdú, múirín a dhéanamh srl. Tá Coiste Bailte Slachtmhara Bhaile Liam ag iarraidh ar dhaoine grianghraf nó cuntas dena bhfuil ar bun ag daoine a chur ar aghaidh le hiad a roinnt le daoine eile ar an mbaile agus leis an gceangal a choinneáil lena chéile. 
Sa chás go mbeadh daoine amuigh ar shiúlóid ghearr gar don teach ach ag fanacht ó dhaoine ag an am céanna, d’fhéadfadh go bhfeicfeadh nó go gcloisfeadh siad nithe áille sa dúlra agus sa bhfiadhúlra - spideog b’fhéidir nó an draighean faoi bhláth, oidhreacht thógtha a mbeadh suim ann - tobar beannaithe, cloch mhíle nó reilig mar shampla. Smaoinigh ar ghrianghraf, dán, scéal nó pictiúr a sheoladh chuig leathanach Facebook do ghrúpa Bailte Slachtmhara áitiúil a d’fhéadfaí a roinnt le daoine eile. 
Tá go leor grúpaí Bailte Slachtmhara gníomhach i gContae na Gaillimhe atá ag tacú leis an bpobal agus atá ag obair chun a mbaile nó a sráidbhaile a fheabhsú. Tá Comhairle Chontae na Gaillimhe ag iarraidh orthu fanacht i gceangal lena chéile ach ag an am céanna a bheith slán sa bhaile agus treoir an HSE a leanúint. 
Dúirt Cathaoirleach Chontae na Gaillimhe, an Comhairleoir Jimmy McClearn “Tá duine ar bith in ann Grúpa Fíorúil Bailte Slachtmhara a bhunú dá gceantar féin nó fanacht ceangailte trí úsáid a bhaint as leathanach Bailte Slachtmhara atá ann cheana chun grianghraif dena bhfuil ar siúl acu ina gcuid gairdíní agus sa bhaile acu féin a chur suas fad atá siad ag fanacht slán sábháilte sa bhaile.”
Chun smaointe agus noda a fháil, féach leathanach Facebook Bailte Slachtmhara Fíorúla Chontae na Gaillimhe nó seol ríomhphost chuig Galwayvirtualtt@gmail.com.

Tionscadal Bhailte Slachtmhara Fíorúla Chontae na Gaillimhe

‌

Galway BEO! Nasc a dhéanamh lenár nOidhreacht

Tá an oidhreacht le brath I ngach uile áit, sna seanfhoirgnimh agus reiligí, ar na sráideanna agus bóithríní faoin tuath, in aibhneacha agus le cósta, sna fálta sceach agus gairdíní atá thimpeall orainn agus leis na scéalta agus amhráin atá againn.

Seol grianghraf, líníocht, dán nó scéal chugainn chun cuidiú linn oidhreacht iontach chontae na Gaillimhe a cheiliúradh. Cuirfimid an oiread agus is féidir linn ar www.heritage.galwaycommunityheritage.org agus Galway Beo Facebook chun iad a roinnt leis an bpobal.
Seol d’ábhar féin ar aghaidh chuig Galwaybeo@gmail.com
Tionscnamh de chuid na hOifige Oidhreachta, Comhairle Chontae na Gaillimhe agus pobail Chontae na Gaillimhe

Nasc: 
https://heritage.galwaycommunityheritage.org/content/category/places/galway-beo-project agus Facebook Galway BEO

Galway Beo‌

Comhairle Chontae na Gaillimhe
Facebook

Faigh muid ar
Facebook

Twitter

Lean muid ar
Twitter

Gaeilge

Gaeilge
agus Fáilte

Cóipcheart © Comhairle Chontae na Gaillimhe