Athrú Aeráide

PREASRÁITEAS

Le Scaoileadh Láithreach

Tá Gaillimh ag Óstáil an Chéad Ócáid Riamh do Chlubanna Glasa

Tá Comhairle Contae na Gaillimhe i bpáirt le clubanna CLG, LGFA, agus Camógaíochta ó gach cearn de Ghaillimh don chéad ócáid riamh de chuid na gClubanna Glasa sa chontae, a bheidh ar siúl i gClub CLG Bhaile an Doirín, Bóthar an Chloch, Dé Máirt, an 17 Meitheamh 2025 ag 7:00 i.n.

Seoladh Clár na gClubanna Glasa—comhpháirtíocht idir an CLG agus údaráis áitiúla ar fud na hÉireann—in 2020 chun tacú le clubanna gníomhú ar son na haeráide. Tá an clár á mhaoiniú le tacaíocht ón Roinn Comhshaoil, Aeráide agus Cumarsáide.

Beidh cainteoirí aíochta agus saineolaithe ag an oíche eolais atá le teacht, a phléifidh réimse ábhar tábhachtach lena n-áirítear Fuinneamh, Dramhaíl, Bithéagsúlacht, agus Deiseanna Maoinithe. Léireofar cás-staidéir fhíorshaoil ó Chlub CLG Bhaile an Doirín agus ó Chlub Naomh Breandán i mBéal Átha Ghártha, ag cur béime ar a gcuid tionscadal aeráide agus inbhuanaitheachta.

Le maoiniú ón gCiste Gníomhaíochta Aeráide Pobail agus le tacaíocht ó Chomhairle Contae na Gaillimhe, tá boscaí plandála curtha ar bun ag Club CLG Bhaile an Doirín do Bhóthar na bPailneoirí, painéil ghréine ar an gclubtheach, uasghrádú fuinneoga don Ionad Pobail, boscaí athchúrsála, agus tobair uisce.

Dúirt an Comhairleoir Martina Kinane, Cathaoirleach Chontae na Gaillimhe:
“Tá Comhairle Contae na Gaillimhe ag tabhairt cuireadh oscailte do gach club CLG, LGFA, agus Camógaíochta ar fud Chontae na Gaillimhe a bheith linn don ócáid thábhachtach seo. Is deis uathúil í le foghlaim ó chlubanna eile, léargais ó shaineolaithe a fháil, agus céimeanna praiticiúla a fhoghlaim chun do chlub a dhéanamh níos inbhuanaithe. Trí theacht le chéile, is féidir le clubanna bheith ina gceannairí i ngníomhú ar son na haeráide—ar an bpáirc agus as—ar mhaithe lenár bpobail agus glúnta atá le teacht.”

Dúirt Denise Feeney, ionadaí Club Glas agus Oifigeach Gníomhaíochta Aeráide Pobail do Chomhairle Contae na Gaillimhe:
“Le meascán d’ionadaithe CLG agus cainteoirí saineolacha, léireoidh an ócáid samplaí praiticiúla de conas is féidir le clubanna i nGaillimh glacadh le tionscnaimh ghlasa—ag cabhrú lena n-áiseanna a dhéanamh níos buaine, costais a laghdú, agus folláine pobail a fheabhsú agus tionchar dearfach a imirt ar an gcomhshaol.”

I measc na gcainteoirí deimhnithe don ócáid tá:

• Paul Bellew (Cathaoirleach CLG na Gaillimhe)
• Míde Ní Shúilleabháin (Comhairleoir Inbhuanaitheachta, Clár Club Glas CLG)
• Orla Ní Shuibhne (Meantóir Pobail, Údarás Fuinnimh Inmharthana na hÉireann)
• Sinéad Ní Mhainnin (MyWaste.ie)
• Brendán Ó Loinsigh (Club CLG Bhaile an Doirín)
• Brian Healy (Club Naomh Breandán)
• Ionadaithe ó oifigí Bithéagsúlachta agus Gníomhaíochta Aeráide Chomhairle Contae na Gaillimhe.

Cuirfear clabhsúr leis an oíche le seisiún Ceisteanna & Freagraí agus turas siúil timpeall ar Chlub Glas CLG Bhaile an Doirín, ag léiriú a gcuid tionscadal nuálach gníomhaíochta aeráide.

Iarrtar ar chlubanna atá ag pleanáil freastal RSVP a sheoladh chuig climateaction@galwaycoco.ie roimh Dé Luain, an 16 Meitheamh 2025.

-Críoch-

Grianghraf: Club CLG Bhaile an Doirín i gContae na Gaillimhe, a bheidh ag óstáil oíche eolais faoin gClár Club Glas ar an 17 Meitheamh.
Creidmheas: Club CLG Bhaile an Doirín.

Tuilleadh eolais:
Denise Feeney, Oifigeach Gníomhaíochta Aeráide Pobail
Ríomhphost: climateaction@galwaycoco.ie
Tá Denise ar fáil le haghaidh agallaimh Déardaoin 12ú, Aoine 13ú, Dé Luain 16ú agus Dé Máirt 17ú Meitheamh.

Ciste Gníomhaíochta Aeráide Oileáin Árann 2025

Tá Comhairle Chontae na Gaillimhe tar éis oscailt scéim nua maoinithe do eagraíochtaí, gnólachtaí agus pobail Oileáin Árann ar spéis leo tionscadail agus tionscnaimh a fhorbairt a dhíríonn ar dhul i ngleic leis an athrú aeráide.

Tá €60,000 á chur ar fáil tríd an gCiste Gníomhaíochta Aeráide píolótach nua seo.

Tá Oileáin Árann, atá comhdhéanta de na trí oileán Árainn (Inis Mór), Inis Meáin agus Inis Oírr, ainmnithe mar an Limistéar Dícharbónaithe Contae na Gaillimhe i bPlean Gníomhaíochta Aeráide Chomhairle Contae na Gaillimhe 2024-2029.

Is ceantar roghnaithe é Crios Dícharbónaithe (CD) ina n-oibríonn údaráis áitiúla agus pobail le chéile chun an méid carbóin a tháirgeann a ngníomhaíochtaí laethúla a laghdú. Trí bhealaí a chuardach laistigh den phobal chun maireachtáil agus oibriú ar bhealach níos inbhuanaithe, is féidir leis na criosanna seo a úsáid chun teacht ar réitigh áitiúla ar fhadhbanna domhanda. Is é an príomhchuspóir atá le Crios Dícharbónaithe teacht ar bhealaí nuálacha ach indéanta chun astaíochtaí gás ceaptha teasa.

Tacóidh an maoiniú le tionscadail ghníomhaíochta ar son na haeráide i gceithre phríomhréimse, eadhon fuinneamh, taisteal, bia agus dramhaíl, agus gníomhú áitiúil ar son na haeráide agus an comhshaoil.

Osclófar an Crios Dícharbónaithe Ciste Um Ghníomhú ar son na hAeráide d’iarratais ón Luan an 28ú Aibreán. Beidh seimineár gréasáin faisnéise ar líne ar siúl Dé Céadaoin an 30ú Aibreán ag 7.30pm. Is féidir leo siúd atá suim acu páirt a ghlacadh sa seimineár gréasáin clárú roimh ré trí ríomhphost a sheoladh chuig Rebecca Mooney, Oifigeach Gníomhaíochta Aeráide ag rmooney@galwaycoco.ie.

Is é an dáta deiridh d’iarratais ar Chiste Gníomhaíochta Aeráide Oileáin Árann ná Dé hAoine an 30ú Bealtaine. Is féidir iarratais a dhéanamh tríd an nasc seo a leanas: Comhairle Contae na Gaillimhe 

Tá tuilleadh eolais ar fáil inár dTairseach Ceisteanna Coitianta  Ciste Gníomhaíochta Aeráide Oileáin Árann FAQ nó ó Rebecca Mooney, Oifigeach Gníomhaí ochta Aeráide ag climateaction@galwaycoco.ie / 091 509302.

Oileáin Árann Climate Action Fund Presentation 30.04.2025 

Plean Gníomhaithe ar son na hAeráide 2024-2029 Chomhairle Chontae na Gaillimhe

Ghlac ár gcomhaltaí tofa le Plean Gníomhaithe ar son na hAeráide 2024-2029 Chomhairle Chontae na Gaillimhe ar an 19 Feabhra 2024. Forbraíodh an straitéis cúig bliana i ndiaidh comhairliúcháin fhorleathain ar fud an Chontae le daoine óga, grúpaí pobail, gnólachtaí áitiúla, ionadaithe tofa, baill foirne agus comhlachtaí poiblí eile.

I measc na bpríomhchuspóirí atá leagtha amach sa Phlean, tá tacú le tionscadail fuinnimh in-athnuaite a fhorbairt, geilleagar ciorclach a chur chun cinn agus astaíochtaí carbóin a laghdú.

Cuireann an Plean treochlár ar fáil chun dul in oiriúint do ghuaiseacha aimsire, amhail tuilte cósta, abhann agus uisce dromchla, creimeadh cósta, tonnta teasa agus triomach, agus meastar go méadóidh minicíocht agus déine na nguaiseacha sin i gcomhréir le treochtaí domhanda, agus beidh raon leathan tionchar acu seo ar Chontae na Gaillimhe.

Tá fís an Phlean i dtaca le hathrú aeráide i réimsí fuinnimh, na timpeallachta tógtha, iompair, an gheilleagair chiorclaigh agus talamhúsáide bunaithe ar ghníomhartha indibhidiúla, lena n-áirítear gealltanas ó Chomhairle Chontae na Gaillimhe a hastaíochtaí a laghdú faoi 51% faoi 2030.

Le cur i bhfeidhm an Phlean, tacófar le hinfheistíocht i bhfuinneamh in-athnuaite, leis an ngeilleagar ciorclach agus le hiompar inbhuanaithe, agus cruthófar deiseanna nua fostaíochta laistigh den chontae lena gcothófar fás eacnamaíoch agus rathúnas. Beidh comhbhuntáistí ann freisin, amhail slándáil fuinnimh mhéadaithe agus sláinte phoiblí fheabhsaithe agus tacófar leis an bhfís do chontae atá athléimneach ó thaobh na haeráide de, saibhir ó thaobh na bithéagsúlachta de agus inbhuanaithe ó thaobh an chomhshaoil de.

Sainaithnítear Oileáin Árann mar an Crios Dícharbónaithe (DZ) don Chontae. Limistéar roghnaithe é Crios Dícharbónaithe (DZ), ina n-oibríonn údaráis áitiúla agus pobail le chéile chun astaíochtaí a laghdú faoi 51% faoi 2030 agus an méid a fhoghlaimítear a roinnt le pobail eile.

Déanfaidh foireann thiomnaithe laistigh de Chomhairle Chontae na Gaillimhe monatóireacht ar an dul chun cinn a dhéanfar ar Phlean Gníomhaithe ar son na hAeráide 2024-2029 agus tuairisceoidh sí d'fhoireann bhainistíochta an Údaráis Áitiúil, Coiste um Beartais Straitéiseacha maidir le Gníomhú ar son na hAeráide agus Bithéagsúlacht, agus do Chomhaltaí tofa agus gheobhaidh sí treoir uathu.

Tá an plean ar fáil i mbrainsí leabharlann Chontae na Gaillimhe agus ar líne ag www.galway.ie/ClimateAction.

An Ciste Pobail um Ghníomhú ar son na hAeráide 2024

Sa chéad bhabhta maoinithe, tá €762,000 á chur ar fáil chun tacú le pobail chun dul i mbun bearta gníomhaithe ar son na haeráide. Dúnadh na hiarratais ag deireadh mhí Feabhra, agus fuair Comhairle Chontae na Gaillimhe 55 iarratas ó ghrúpaí a bhí ag lorg tacaíocht maoinithe do raon tionscadal, lena n-áirítear aisfheistiú foirgneamh, giniúint fuinnimh in-athnuaite, feabhsú bithéagsúlachta agus an geilleagar ciorclach.

Tá coiste meastóireachta neamhspleách Chomhairle Chontae na Gaillimhe ag scagadh agus ag déanamh meastóireacht ar na hiarratais tionscadail agus cuirfear an próiseas seo i gcrích go luath i mBealtaine 2024.

I ndiaidh an phróisis mheastóireachta áitiúil in CCG, cuirfear liosta de na tionscadail a mholtar faoi bhráid an Aire Comhshaoil, Aeráide agus Cumarsáide lena mbreithniú. Faoi láthair, an dáta a bhfuiltear ag súil leis le ceadú an Aire a fháil ná Lúnasa 2024 (d'fhéadfadh an amlíne seo le haghaidh ceadaithe a bheith faoi réir moilleanna nach bhfuil smacht ag CCG orthu).

Ar ceadú an Aire a fháil, eiseoidh CCG Litir Thairisceana chuig na grúpaí pobail rathúla ina leagfar amach na téarmaí agus coinníollacha ábhartha.

Agallamh le Denise Feeney re ciste gnímh aeráide Comhairle Contae na Gaillimhe ar Kinvara FM Satharn 25th Samhain, 2023 Mixcloud