Scannán - Scéim ID Scannán

• Naisc ábhartha eile
• Scannán - Comhpháirtíocht Scannán na Gaillimhe
• Scannán - cuil Le Scoileanna Squad
• Scannán - Scéim ID Scannán
• Scannán - Screenwest
• Scannán - UNESCO

Gaillimh – Cathair Scannánaíochta UNESCO

Iarraidh ar Ghrúpaí chun páirt a ghlacadh i dTionscadal Scannán ID

Tá Gaillimh - Cathair Scannánaíochta ag iarraidh ar ghrúpaí pobail, sóisialta agus deonacha i gcathair agus i gcontae na Gaillimhe páirt a ghlacadh i dtionscadal spreagúil a chumasóidh do phobail a scannán faisnéise féin a dhéanamh. Tá an Tionscadal Scannánaíochta ID seo ID Film Project á reáchtáil ag Ionad Scannán na Gaillimhe i gcomhpháirtíocht le Comhairle Cathrach na Gaillimhe agus le Comhairle Chontae na Gaillimhe.

Ó bhí an bhliain 2000 ann, tá Ionad Scannán na Gaillimhe tar éis comhoibriú le níos mó ná seachtó grúpa pobail chun rochtain a thabhairt do dhaoine ó raon leathan cúlraí ar an bhfíorphróiseas déanta scannán faisnéise. Déanfaidh Ionad Scannán na Gaillimhe an trealamh agus an cúltaca teicniúil go léir a sholáthar mar mhalairt ar am, ar dhíograis agus ar smaointe grúpaí pobail ar mian leo a scéal féin a thaifeadadh.

Is ceart do ghrúpaí ar mian leo páirt a ghlacadh sna tionscadail guth uathúil a bheith acu, a chuimsíonn nithe a bhaineann lena bpobal, lena dtraidisiún, lena meon, lena stíl mhaireachtála, lena dtuairimí agus lena gcultúr. Ní mór do na grúpaí a roghnaítear a bheith in ann méid suntasach ama a chur ar fáil le linn mhíonna an tsamhraidh ó Mheitheamh go Meán Fómhair. Tá an clár an-solúbtha, áfach, agus is féidir oiriúnú a dhéanamh i leith infhaighteacht na mball de ghrúpaí a roghnaítear.

Tá sé mar aidhm ag Tionscadail Scannánaíochta ID taifead a dhéanamh ar raon leathan saincheisteanna agus ábhar sóisialta trína chumhachtú do ghrúpaí a scéal féin a insint. Déantar sin trí bhunoiliúint agus taithí phraiticiúil a thabhairt do rannpháirtithe maidir le nithe a bhaineann le scríbhneoireacht, le stiúrthóireacht, le cúrsaí ceamara, le fuaim agus le heagarthóireacht. Inseoidh na grúpaí a scéal féin ansin ar bhonn chomhthéama na féiniúlachta. Tabharfaidh Ionad Scannán na Gaillimhe comhairle agus tacaíocht ghairmiúil don ghrúpa a roghnaítear ar fud phróiseas iomlán an léiriúcháin.

Déanfar roghnú na ngrúpaí do Thionscadal Scannánaíochta ID a chur i gcrích ar bhonn comórtais agus, dá bhrí sin, tá sé inmhianaithe teagmháil a dhéanamh le Ionad Scannán na Gaillimhe chun comhairle a fháil faoin bpróiseas iarratais.

Is é an dáta deiridh Dé hAoine, an 15 Bealtaine, agus is féidir foirm iarratais a iarraidh le ríomhphost ó info@galwayfilmcentre.ie nó trí theagmháil a dhéanamh le Ionad Scannán na Gaillimhe ag 091-770748.

Tá os cionn seachtó Tionscadal Scannánaíochta ID ar fáil ag www.galwayfilmcentre.ie/id-films