Scéimeanna Tacaíochta Pobail

• Naisc ábhartha eile
• Scéimeanna Tacaíochta Pobail
• CLÁR
• An Clár um Fheabhsú Phobail
• Imeacht Pobal Naisiunta
• An Scéim Athnuachana Bailte agus Sráidbhailte 2020

Déardaoin an 16ú Eanair 2020 ar 4.00 p.m. an spriocdháta

Tá iarratais ar mhaoiniú á lorg ó Ghrúpaí Pobail agus Deonacha “neamhbhrabúis” i dtreo ghníomhaíochtaí agus imeachtaí a bheidh chun leasa phobail áitiúla ar fud an chontae agus a thacóidh le forbairt inbhuanaithe eacnamaíochta, phobail agus chultúir.

 

Scéim Tacaíochta d’Fhorbairt Eacnamaíochta:

A.     Féilte agus Imeachtaí Rannpháirtíochta                       

Is éard is aidhm leis an gcatagóir seo tacú le heagraíochtaí pobail neamhbhrabúis agus dheonacha raon éagsúil féilte agus imeachtaí rannpháirtíochta ardchaighdeáin, nuálacha agus uaillmhianacha a chur ar fáil a bheidh chun leasa sóisialta, cultúir, turasóireachta agus eacnamaíochta an chontae.                 

B.     Tionscnaimh um Fhorbairt Eacnamaíochta                                            

Is éard is aidhm leis an gcatagóir seo tacú le Grúpaí neamhbhrabúis agus le Grúpaí agus Gnónna Ionadaíochta/Comhlachais Thráchtála atá i mbun thionscnaimh áitiúla chun deiseanna gnó nó oibríochtaí nua a chruthú chun cur leis an eispéireas cuairteora agus miondíola.

 

Scéim Tacaíochta d’Fhorbairt Pobail:

A.     Taitneamhachtaí agus Saoráidí Pobail  

Is éard is aidhm leis an gcatagóir seo taitneamhachtaí agus áiteanna áineasa áitiúla a fhorbairt agus a fheabhsú, chomh maith le feabhsúcháin mhionscála a dhéanamh ar shaoráidí/fhoirgnimh ar leis an bpobal iad. 

B.     Bearta Uilechuimsitheachta Sóisialta                                         

Is éard is aidhm leis an gcatagóir seo tacaíocht a chur ar fáil do ghrúpaí pobail agus deonacha chun díriú ar ghníomhaíochtaí nó seirbhísí chun cabhrú le grúpaí atá faoi mhíbhuntáiste nó atá eisiata go sóisialta. D’fhéadfadh rannpháirtíocht in imeachtaí sóisialta, Imeachtaí Bealtaine, nó nuálaíochtaí Aois-Bhácha a bheith i gceist leis seo. Tabharfar tosaíocht do na cinn a mbeidh rannpháirtíocht ghníomhach dhaoine ó ghrúpaí atá faoi mhíbhuntáiste nó eisiata, nó atá lonnaithe i gceantair faoi mhíbhuntáiste ag baint leo.

 

Scéim Tacaíochta d’Fhorbairt Chultúir:

A.     Deontais an Achta Ealaíon                    

Is éard is aidhm leis an gcatagóir seo cúnamh airgeadais a sholáthar do ghrúpaí/eagraíochtaí ealaíon deonacha chun gníomhaíocht nó tionscadal ealaíon (ní féilte) a chur ar bun sa phobal.      

B.     Deontais Oidhreachta                                          

Is éard is aidhm leis an gcatagóir seo tacú le grúpaí/eagraíochtaí pobail agus oidhreachta deonacha  tabhairt faoi ghníomhaíochtaí, imeachtaí agus tionscadail oidhreachta a bheidh chun leasa an phobail.

C.     Gníomhaíochtaí chun an Ghaeilge a Chur Chun Cinn                                        

Is éard is aidhm leis an gcatagóir seo Grúpaí agus Eagraíochtaí neamhbhrabúis a spreagadh chun gníomhaíochtaí, tionscadail, ceardlanna nó ranganna a eagrú a dhéanfaidh a) an líon daoine a bhfuil Gaeilge acu a mhéadú, b) deiseanna d’úsáid na Gaeilge a chruthú agus c) dearcadh dearfach i leith a húsáide a chothú. 

Scéimeanna Tacaíochta Pobail – Treorlínte d’Iarratasóiri

Foirm Iarratais – Forbairt Eacnamaíochta
Foirm Iarratais – Forbairt Phobail
Foirm Iarratais – Chultúir