Cosán an tSuímh...
TUAIRISC AN TASCFHÓRSA UM LÁNPHÁIRTIÚ RIALTAIS ÁITIÚIL AGUS FORBARTHA ÁITIÚIL
Thug an rialtas gealltanas sa bhliain 1998, maidir le hollchlár don rialtas áitiúil a athnuachan. Ba é a bhí mar aidhm leis an gclár ná comhordú ag an leibhéal áitiúil a mhéadú. Bunaíodh Tascfhórsa mar chuid den Chlár chun samhail do lánpháirtiú na gcóras rialtais áitiúil agus forbartha áitiúil a leagan amach. Chinn an Rialtas, sa chomhthéacs sin, go mbainfeadh Ranna Rialtais leas as seo amach as deiseanna ina dteagmháil leis an AE polasaí an Rialtais gluaiseacht i dtreo creata i bhfad níos lánpháirtithe ag an leibhéal áitiúil i ndiaidh 1999 agus go ndéanfar grúpaí straitéise contae a athchumrú tar éis thuarascáil an Tascfhórsa a fháil.
Mhol an Tascfhórsa, bunaithe ar an mbreithniú a rinneadh ar an stádas faoi láthair, go ngluaisfí i dtreo córais níos lánphairtithe trí shraith céimeanna. Bheadh treoir ón leibhéal lárnach mar thacaíocht ag an bpróiseas agus theastaigh athchoigeartuithe eagraíochtúla chun forluí feidhmeach agus réimsí a íoslaghdú.
( http://www.cdb.ie/taskforce.htm)
Lean bunú na mBord Forbartha Contae/Cathrach ar fud na tíre as moltaí an Tascfhórsa. Bhunaigh an Rialtas iad chun aghaidh a thabhairt ar an dúshlán a bhaineann le lánpháirtiú seirbhísí áitiúla ag leibhéal an chontae agus na cathrach. Léiríonn na Boird sin cur chuige nua i bhforbairt áitiúil a eagrú agus i bpróiseas na cinnteoirechta ag leibhéal an chontae.
